Jumbo曾淑雅囝囝髮量驚人似Monchhichi 兩個月大眼仔精靈如媽咪倒模
發佈時間：20:00 2024-01-13
有TVB「長腿女神」之稱的32歲曾淑雅（Jumbo）去年7月宣布升呢人妻，11月誕下兒子Kobe，並於產後火速回復Fit爆身形，令人嘖嘖稱奇。間中在社交網分享親子日常的她，今午（13日）又上載兩個月大囝囝Kobe的萌照。
相關閱讀：Jumbo曾淑雅7周大囝囝髮量驚人超濃密 為湊仔被逼暫停運動餵母乳最辛苦
Jumbo曾淑雅囝囝髮量有幾多？
曾淑雅於IG一口氣貼出9張新相及短片，並寫道：「小寶寶踏入2個月啦，餵奶掃風換片沖涼都慢慢上手了。寶寶之前因為經常腸絞痛，晚晚都瞓得唔好。眼見佢成日痛醒，心痛死，好在隨住慢慢成長，呢個肚風問題已經減少咗好多，一切開始漸入佳境，現在可以準備開始試吓戒夜奶，開始另一項挑戰，而寶寶的頭髮也跟住成長速度一樣地驚人，等我都好好為他記錄一下。繼續健健康康邁向100日。」
點擊睇Jumbo曾淑雅更多靚相：
相中所見，雖然囝囝Kobe只得兩個月大，但已長滿一頭濃厚蓬鬆的頭髮，連額頭也是滿滿的BB毛，驟眼看十足「Monchhichi（蒙奇奇）」一樣，難怪媽咪曾淑雅都笑稱：「一髮不可收拾」、「動L的頭髮」、「洗完頭都屹立不倒」，一眾網民亦驚嘆：「頭髮又多咗好多」、「好多頭髮，個樣好樣好老積」、「怎麼可能這麼多頭髮」、「好快可以梳辮仔扮靚」，亦有不少人覺得Kobe眼仔精靈似足媽咪。
其他文章：
Jumbo曾淑雅「卸貨」後迅速回復女神Fit爆身形 囝囝飲奶好食得嘟嘴賣萌
Jumbo曾淑雅囝囝出世了！陀B過程驚險萬分幸一一跨過去：終於相見了
「長腿女神」曾淑雅晒34周孕照 期待小生命來臨：希望先生會是位好隊友
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
