萬千星輝頒獎典禮2023丨群星現身慶功宴！洪欣兒子黐實一女星蕭正楠黃翠如嚇親馬國明

更新時間：17:30 2024-01-17
發佈時間：17:30 2024-01-17

《萬千星輝頒獎典禮2023》日前圓滿舉行，《東張西望》昨日（16日）再播出Afterparty的片段，同場更有連奪八獎的大贏家《新聞女王》的演員慶功，群星現身，場面熱鬧！當中蕭正楠及黃翠如、陳展鵬及單文柔等明星夫妻檔都在受訪時大放閃光彈，而沒有受訪的明星都被拍到換了衣服在場內歎美食，其中洪欣兒子張鎬濂更被拍到跟一名女星相談甚歡。

《萬千星輝頒獎典禮2023》慶功宴逐格睇：

《萬千星輝頒獎典禮2023》Afterparty中，劇集《新聞女王》的演員情緒最高漲，除了因為連奪八獎成為大贏家外，亦因為高海寧日前迎來37歲生日，眾人賀高海寧奪「最佳女配角」同時，亦賀高海寧的生日。曾多番公開感謝佘詩曼教導的高海寧，在Afterparty上跟佘詩曼十足糖黐豆，佘詩曼亦在慶功時再擁抱高海寧祝賀她。

佘詩曼被樂易玲提買多個櫃

《新聞女王》的演員與樂易玲一同受訪時，佘詩曼被樂易玲笑指：「屋企要加多個櫃啦！好多獎呀！」高海寧都搭嘴：「次次唔係雙料就三料，點搞呀？」佘詩曼即望向高海寧及何依婷說出鼓勵說話：「努力努力，你都得嘅！」佘詩曼被問及在高海寧得獎時落淚，「忍唔住。」高海寧都表示：「開頭冇咁緊張㗎！但我望到Man姐（佘詩曼）望住我，你話『我都好緊張』嗰吓呢，我係有少少緊張。我見到佢喺台下面都喊咗。」佘詩曼表示：「我好戥你開心，真㗎！」高海寧更指得到「最佳女配角」是她今年收到最好的生日禮物。

蕭正楠夫婦與馬國明互動爆笑

蕭正楠這晚雖然失落「最佳男主角」，但出席Afterparty仍然好開心，更跟太太黃翠如一同受訪，期間更跟在旁拿食物的出爐「大灣區最喜愛TVB男主角」及「最佳衣着男藝人」馬國明互動，蕭正楠指着馬國明說：「都話你（打扮似）『上海灘』㗎啦！攞最佳衣着呀！」而黃翠如亦夫唱婦隨，指着已換了衣服的馬國明：「你件牛仔褸我想買㗎！」一唱一和令馬國明難以招架，最後他僅回答：「多謝你啦！」但表情就引起蕭正楠質疑：「好似想鬧我咁！」

《萬千星輝頒獎典禮2023》藝員台下互動逐個睇：

黃翠如不看好老公封視帝？

對於失落「最佳男主角」，蕭正楠表示很替陳豪開心，更指陳豪16年前首次奪得「最佳男主角」時，他才剛剛加入TVB。黃翠如亦沒有因未能親手頒獎給老公而不開心：「唔緊要，仲後生，等得！」更笑指《萬千星輝頒獎典禮2023》的場刊照早有端倪：「你睇唔睇到得我同豹哥（單立文）有得坐，即係我哋後生，坐吓先，再慢慢等。」黃翠如即問老公：「你入咗行幾年？」蕭正楠一臉嚴肅回答：「廿幾年咋嘛！」黃翠如竟踩老公：「等多廿幾年，如果都冇呢，咁就冇㗎！」蕭正楠面對老婆黃翠如的言論都不禁發笑：「你冇鼓勵性。」

陳展鵬冧妻重要過得獎

陳展鵬早於2016年已得過「最佳男主角」，這晚雖然沒有得獎，但未見好失望，更有心情冧老婆單文柔，連身旁的車婉婉都表示被「閃盲」。陳展鵬指想享受老婆單文柔的廚藝，多於想在對方手上接過獎項，單文柔即讚老公：「你今日嘅語言藝術叻咗咁多嘅？」陳展鵬表示：「其實我語言藝術係唔差㗎。」在旁的車婉婉都表示：「我頂唔順喇！你見唔見我鬥雞眼呀？」之後又做出反白眼表情，非常搞笑。