紅豆丨任達華愛駒爆冷勝出獎金逾百萬 教Stephy煮紅豆冇空落注唔揼心
發佈時間：16:15 2024-01-19
今日（19日）任達華（華哥）、鄧麗欣（Stephy）、魏浚笙（Jeffrey）、龔慈恩、朱鑑然、方平出席新戲《紅豆》開鏡儀式，故事講述飾演一家四口的華哥、龔慈恩、Stephy及Jeffrey在九龍城經營糖水店的事情。華哥跟龔慈恩是夫妻，飾演糖水店老闆的他為了演出要學炒紅豆，發現工序好繁複，更笑言搞到成身紅豆味。他說：「煮完我會帶返去畀太太琦琦飲，仲買埋湯丸加入去。因為太太係上海人唔食紅豆，鍾意食湯丸。」
在旁的龔慈恩笑指華哥太太琦琦會煲湯畀他，帶到拍攝現場飲用，又讚華哥無論戲裹戲外也錫太太，戲中不會讓她拿重物，就連行街也站在她前面。華哥又指兒時已懂得下廚，所以戲中要他切陳皮絲冇難度。龔慈恩說：「華哥，瓣瓣掂！入廚又得、運動又叻，下廚又得。」提到身為「君達得」馬主的華哥，愛駒以47賠爆冷勝出，獎金逾百萬。他說：「嗰日無落注，教緊鄧麗欣煮紅豆，呢個紅豆幾貴架！不過唔緊要，祝大家好運常開。（揼心？）隨遇而安，雖然冇贏錢，但嗰日都萬歲，不過學識一樣嘢買全餐。」
鄧麗欣表示戲中會跟爸爸任達華學煮糖水，從而令她掌握秘技，所以也想嘗試在家中煮紅豆沙。而飾演鄧麗欣弟弟的魏浚笙（Jeffrey），笑言不會落鋪幫手，一切交給姐姐處理，並笑謂自己負責吃喝玩樂，但其實戲中的他表裡不一，雖則內心愛錫家人，但沒有表達出來。飾演Stephy男友的朱鑑然，笑言為了討好女友，就會到糖水店幫手抹枱。鄧麗欣笑說：「Jeffrey成日匿喺屋企打機，又唔幫手，成日會鬧交，不過戲中華哥係潮州人重男輕女，錫弟弟乜都唔使做，做女被忽略，但全家人愛對方都唔講出口，就算華哥皮住面都好愛錫我哋。雖然第一次同華哥合作，第一日開工圍住一齊食潮州粥，已經好似一家人，爸爸係嚴父，媽媽負責照顧家人。」
談到與鄧麗欣演一對，可有親熱戲？朱鑑然大賣關子，鄧麗欣則謂講出來好有畫面，本身劇本沒有，若然拍攝時有感覺會叫導演加戲即場發揮，又透露以前曾經試過加「動作戲」。問到可想加戲掌摑魏浚笙（Jeffrey），鄧麗欣笑說：「呢個想加。」訪問期間剛好有蝴蝶在魏浚笙（Jeffrey）面前飛過，嚇到他後退幾步，鄧麗欣搞笑作狀打對方。可以跟女神鄧麗欣合作，朱鑑然表示不緊張，還獲對方帶住入戲感覺放鬆。
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
