MIRROR演唱會丨姜濤病倒打點滴照片曝光！打三支針頂硬上開Show 成員接連出事Edan拉傷頸

更新時間：19:30 2024-01-20
發佈時間：19:30 2024-01-20

MIRROR演唱會2024丨男團MIRROR一連16場的《MIRROR FEEL THE PASSION CONCERT TOUR 2024》已於1月15日在亞博Arena揭開序幕，12子施加混身解數演出，炒熱現場氣氛。不過演唱會舉行得如火如荼期間，陸續有成員出現不適，繼日前呂爵安（Edan）扭親條頸後，姜濤昨日（19日）也在IG限時動態自爆要打點滴，令不少「姜糖」感到憂心。

MIRROR舉行演唱會成員輪流病倒？

姜濤在限時動態貼出照片，配上戴口罩病樣的Emoji，之後再上載手背拮針的照片，透露：「打了3支針！」又表示：「今天可以的！」但未有提到病因。而經理人「花姐」黃慧君指姜濤出現感冒前的狀態，為怕影響演唱會演出，有少許不適都要及時處理，因此去睇醫生。

呂爵安嘗試刮痧

而另一成員呂爵安（Edan）日前同樣變「傷員」，他在社交網貼出多張刮痧相，見到頸上的紅痕非常恐怖，呂爵安留言：「Day 3 finished！！實不相瞞尋（噚）日第二場Opening跳到一半條頸突然閃咗一下，一落台立即嗌救命：奶嘢啦，我好似扭親條頸，個頭向上郁會卡住，Medical team即刻過嚟check下，發現真係拉傷咗，所以我琴日同今日嘅show其實都抬唔起頭做人。好彩Medical team喺show前show後都不斷幫我又按摩又電療又放血又超聲波，我先仲郁到下個頭，多謝你哋。」

呂爵安又表示：「見聽日放假，即刻嘗試咗人生第一次刮痧，個畫面都幾壯觀，希望消得切，不過真係即刻好咗好多！仲有13場，大家都要保重身子！ #其實每日做完都好似成個人散哂咁 #但我哋都係會keep住每日俾盡100% #因為表演俾你哋睇係我哋最幸福嘅事 #一見到你哋啲energy就忍唔住爆晒出嚟 #等我哋唞返一日 #返嚟繼續爆」。