渣打馬拉松2024丨唐詩詠挑戰成功又關周潤發事？林子善因一件開心到極點

更新時間：14:37 2024-01-21
發佈時間：14:37 2024-01-21

每年一度的盛事渣打香港馬拉松將於今日（21日）舉行，今年有不少演藝界的藝人與及名人參賽，繼73歲的馬海倫率先報喜：「今早完成10K渣打馬拉松！」後，出戰半馬的68歲周潤發亦成功完成賽事。接着有不少藝人在IG出PO稱成功完成賽事，原來視后唐詩詠今年亦有出戰！

渣打馬拉松2024丨藝人出PO成功完成賽事：

渣打馬拉松2024丨唐詩詠挑戰10公里賽事

近年愛上跑步的視后唐詩詠，自從在2022年宣布離開TVB後，生活過得相當寫兼悠閒，不單到世界各地旅行，又試過與好友江美儀在日本參加長野山11公里山路跑，今日（21日）唐詩詠更在IG出PO，原來她今年挑戰《渣打馬拉松2024》挑戰10公里賽事。唐詩詠完成賽事後，貼了多張相片並說：「第一日希望自己可以挑戰一項我無興趣嘅運動-跑步，就以渣馬為目標。由練習心率開始，經歷疫情，經歷跑步訓練的上上落落，多謝周教練嘅指導、調節，教導我跑步係訓練自己內心，挑戰自己嘅耐力、耐性，點樣唔受外界影響，專注自己呼吸。」

結果唐詩詠終於挑戰成功：「終於今日10k，全程心率維持良好，無氣促，氣喘，時間唔係今年嘅目標，1:21完成，我已經好開心，多謝自己堅持冇放棄，多謝跑步帶俾我新嘅體會，呢個再唔係我無興趣嘅運動，我會繼續挑戰落去。」而唐詩詠口中的「周教練」，原來正是周潤發，其實周潤發過往影響了不少圈中人加入跑步行列，在2021年，周潤發每天風雨不改親自接送盧海鵬去跑步，結果令盧海鵬健康好轉，腳痛問題也有改善，盧海鵬還說：「周潤發係隨隊醫師，會為大家按摩鬆筋骨，手勢一流。」

渣打馬拉松2024丨參賽藝人準備十足出戰：

渣打馬拉松2024丨盧巧音終點站等候老公

KOLOR主音蘇浩才（Sammy）在2012年開始跑步，近年更成立了「頑張跑會」，今年蘇浩才亦有出戰全馬，完成賽事後，獲老婆盧巧音在終點站等候，蘇浩才更在IG貼上拎獎牌的相片並說：「平安，成功，比往年快咗14分鐘，好滿意好開心。多謝上天多謝跑會上下各位兄弟姊妹，多謝教練多謝太太多謝屋企人照顧我日常所需，等我可以放心訓練，我會繼續加油不負眾望。」今年渣馬對林子善的意義非常重大，原來他的家人齊齊出戰，林子善貼上全家福並說：「好多朋友問我點解跑十公里咁少，真心半馬或全馬我未夠料冇信心，重點係我跑步唔係為速度同距離，我目標係為咗減肥健康同埋快樂。今次可以一家人去跑影咗呢張相，真係開心到極點。」

林子善續說：「因為唔係個個人都可以同自己父親哥哥一齊比賽，我父親佢係我偶像差不多七十歲，我細個就成日跟佢去澳門馬拉松，睇佢跑澳氹大橋嘅畫面歷歷在目，屋企跑步羽毛球乒乓球獎盃多多，啲獎牌一抽抽多到要掛喺門後面。由細到大用運動教我做人要堅持，下年再跑好好記錄留下美好回憶，祝父親媽媽哥哥一直要身體健康。」

其他文章：

渣打馬拉松2024丨「大小姐」林淑敏素顏look先贏何沛珈 73歲資深女藝人率先報喜成功完成賽事

渣打馬拉松丨68歲周潤發「夠年齡」挑戰半馬？多位女星首次參賽呢個騎尼女星跑10K

渣打馬拉松｜蔡思貝相隔五年跑半馬破個人紀錄緋聞男友余德丞：快到追唔到

渣打馬拉松丨參賽藝人成績排名！蔡思貝僅慢職業運動員7分鐘周潤發跑10公里成績曝光

渣打馬拉松｜周潤發首戰10公里賽練習逾一年全黑運動裝現身全場起哄

--------------------

《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ