朱智賢中門大開高衩晒42吋長腿望梅止渴 自爆偕「咪神」行山拗柴再出風癩勁黑仔
發佈時間：20:30 2024-01-24
2013年港姐出身的37歲朱智賢（Ashley），去年9月宣布約滿離開效力10年的TVB，早前完成告別作《企業強人》便正式向外闖，除為HOY TV烹飪節目《開飯啦聖誕》擔任主持外，她亦開始接活動司儀工作，閒時積極經營社交平台，今午（24日）再次於IG大派福利。
相關閱讀：朱智賢謝東閔為慈善情侶檔上陣 離巢TVB親自傾工作感困難
朱智賢大解放有幾性感？
朱智賢早前偕「咪神」陳婉衡（Alycia）、簡淑兒（Jessica）結伴到西貢行山，其間三女在萬宜水庫旁的蠄蟝石頂打卡，未料下山時朱智賢不慎拗柴，之後電召的士遭「放飛機」，認真黑仔！事後她於社交網撰長文，自爆人生第一次拗柴：「最麻煩就係走嗰陣時喺西灣亭收唔到電話又完全冇訊號call唔到車，雖然我哋一早call定，但係都俾的士司機嫌棄無人接，最後總算call到一架但係又比人放咗飛機，我哋因為一個信字竟然唔上其他的士，一直呆等嗰一位司機，我們太善良吧？最後發現原來佢車咗我哋旁邊幾個人去落馬洲，因為張單大好多佢選擇咗放棄我哋……呢次旅程真係禍不單行，拗柴拮（屹）咗40分鐘落返山，然後再等咗成個鐘頭的士，死頂勉強回到家之後隻腳終於報廢咗。」
點擊睇朱智賢偷食事件：
朱智賢接受傳媒訪問時，透露忍痛8日才去睇醫生，始發現是骨裂需打石膏。她昨（23日）今先後於IG Story交代狀況︰「打石膏唔係最慘，打石膏嗰啲位置出風癩先係最慘」、「我以後真係會好小心，原來整親真係好麻煩，而家先第三日，好灰」，並貼出一張腳傷照，可見從腳板到小腿均包紮住。
朱智賢獲封「腳趾女神」
雖然骨裂和風癩夾擊下甚痛苦，但仍無阻朱智賢心情出Po慰藉粉絲，她今留言：「找尋屬於自己的生活態度及生活方式。」又一口氣上載5張早前拍下的火辣寫真，相中穿鮮紅高衩禮服的她，坐在湖中長梯上盡騷42吋長腿，其間單腳戙起時「絕對空域」若隱若現，非常誘人，而其心口位置更是Deep到落肚臍之下，雙手一擠瞬間谷出3吋事業線，引起網民騷動：「性感又靚女」、「優質熟女嘅魅力」、「腳趾女神」。
其他文章：
朱智賢經歷風波幸與謝東閔感情昇華 談結婚計劃：一張紙唔代表啲咩
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
