趙世曾開箱豪宅爆廚師一理由急劈炮 豪言女伴過萬親揭不婚之謎25字回應被女呃？
發佈時間：20:00 2024-01-24
現年87歲的富商趙世曾是房地產及建築設計上市公司創始人，也是輪船之王趙從衍的三子，身家豐厚。雖然趙世曾一生未婚，但有三個由不同女友所生的子女，多年來身邊亦不乏女伴，近年鮮有露面的他日前接受TVB娛樂新聞台節目《友話直說》訪問，暢談日常家事、感情狀況，更公開不婚之謎。
相關閱讀：名人紅星賀知名酒店60周年！林心兒網狀衫透視好身材 87歲趙世曾Young過同場甘國亮
趙世曾超級豪宅有幾架勢？
趙世曾位於薄扶林域多利道的海邊豪宅「趙苑」（Villa Cecil），去年在日本富士電視台節目アンタッチャブるTV（untouchable TV）曝光，該棟連私人泳池及無敵海景的複式單位，連節目組也驚嘆如「東京巨蛋」大小，極盡奢華！是次訪問，趙世曾親自帶主持人參觀「趙苑」，直言大宅由自己一手一腳設計，客廳中央位置擺放了母親遺留的三角鋼琴，旁邊則是西班牙著名雕刻家的作品Sisters、巨型明朝畫屏風、古董麒麟等，一律價值不菲，他說：「我唔信風水，呢啲都係裝飾品，好名貴嘅嘢我哋唔擺屋企，因為基於安全問題，擺喺屋企好睇就得。」
趙世曾大宅擁無敵海景宴會廳
樓上的宴會廳擺放了一張長枱，可容納30多人共膳，旁邊的玻璃門直通陽台，當中可觀望180度無敵大海景，趙世曾稱早上會在這裏歎茶，間中在樓下的私人泳池游水，但擁私人遊艇的他謂：「我鍾意出海游多啲，喺海度游舒服啲，大啲。」豪宅中亦設有魚池和大量植物，共有9個花王負責打理，每月電費逾兩萬、水費萬多元；而本來家中聘請了一名廚師，惜最後卻劈炮唔撈，趙世曾解釋︰「我日日食唔同嘅菜，一日食好多餐，餐餐都喺出邊食，每一餐都唔同，以前請最好嘅廚師，做咗一個禮拜佢就辭職，因為日日煮畀賓妹食，我成日都唔喺屋企食，咁返嚟做乜？！發揮唔到。」
點擊睇日本電視台直擊趙世曾大宅：
趙世曾追求快樂不言休
被問到目前是否半退休？趙世曾笑道：「冇退休㗎，日日都返工，從寫字樓返嚟都6點鐘，有時5點半咁，身體好好，繼續可以做啲貢獻啦。」講到身體保養，他表示每年定期做身體檢查：「醫生畀唔同嘅藥我食，我叫佢做『長生不老藥』，食咗就樣樣都好啲，最緊要多做運動、多開心。」對於趙世曾而言，「快樂」就是他的人生哲學，因此將屋企及遊艇分別命名為「樂居」和「海上樂居」。
趙世曾談擇偶條件及追女秘技
至於快樂泉源是否來自拍拖？曾自稱有「一萬個女友」的趙世曾說：「開心係自己想做乜就做乜。」笑問大屋得一個人住可會覺得悶？他表示經常獲朋友作客探訪，子女和孫兒又不時回來，故生活相當開心，當主持人追問女友們能否入住大宅？趙世曾笑答：「可以嘅，呢度咁多間房。（唔係同你同一間房咩？）哈哈哈……（而家有拍拖？）朋友梗有嘅，朋友使你更加開心啲囉。」又打趣指「一萬個女友」已報細數，女友更是遍布全世界，多數是朋友介紹及私人選美會中認識，擇偶條件主要「夾得」、相處開心：「當然靚啲喺埋一齊就開心啲囉。」他續過兩招「追女」秘技，指要對另一半好及滿足女仔需要，但絕不認同有錢便有女人的說法：「香港有錢人咁多，係咪有咁多人有我咁多女朋友呢？」
趙世曾熱愛自由嫌結婚受束縛
提到至今未婚，趙世曾直言分身家也是考慮的因素之一，還笑說：「結咗婚就冇咁多女朋友，會有一定束縛，唔結婚就自己鍾意點冇人管你，每個人選擇唔一樣，我嘅選擇係一個人自由啲、開心啲，成日有唔同人一齊使到我生活非常開心。（想有個穩定伴侶？）好多個都穩定嘅伴，成日都會嚟探我。」並謂會給予紅顏知己富裕生活，大家有甚麼需要也會提供，那麼可曾被女友呃錢？他笑道：「應該唔容易，我都好精明嘅，亦都情願畀佢哋適當嘅舒適生活。」
趙世曾八旬仍有心有力「造人」
對於大女趙式芝（Gigi）與鐘錶太子女楊如芯（Sean）曾經歷7年同性婚姻，趙世曾早年一度出價5億港元為愛女招親，他說：「嗰時我都未知Gigi嘅性取向係點，到底佢係咪未遇到鍾意嘅男仔呢？我哋盡做父親嘅責任，畀佢有好嘅選擇，至於最終嘅選擇係佢自己（嘅決定）。」最後問到可打算再添丁？趙世曾笑稱仍「有心有力」，但追B就要再仔細考慮。
其他文章：
趙世曾混血孻仔罕現身！趙式正碩士畢業高薪厚職 愛平民美食作風低調
趙世曾超級豪宅嚇窒日本電視台主持 大如東京巨蛋保安森嚴豪華內貌驚人
86歲趙世曾與細50年女伴情侶裝同遊被捕獲 新歡身材高挑潮裝一身貴氣
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
