Sir Face睇電視見背影認出爹哋 聞歌起舞超搞笑 洪永城得戚要送女兒做練習生
發佈時間：11:30 2024-01-25
現年40歲的洪永城與太太梁諾妍2021年結婚，同年12月誕下囡囡「Sir Face」洪靖嵐（Amber），梁諾妍早前宣布陀第二胎再陀B女，但她照常跑馬拉松，最近還上HOY TV節目，2歲Sir Face見到媽咪出現在電視上表現得好興奮。以往已不止一次受冷落的洪永城，最近終於受到女兒關注。
相關閱讀：渣打馬拉松2024丨Sir Face媽咪又有創舉！梁諾妍陀B七個月完成10公里賽事 洪永城出招護老婆
Sir Face終於認得嗲哋？
洪永城昨日（24日）在IG分享了一條影片，一開始見到Sir Face聽到音樂後手舞足蹈，之後又忽然跑到電視機前指着洪永城的背影大叫：「爹哋！爹哋！」，令洪永城非常自豪，並以Chok爆聲線以英語回應：「爸爸在這裏」。原來當時他們在家中收看洪永城有份主演的TVB劇集《飛常日誌》，當畫面沒有他後，Sir Face依然隨音樂起舞。洪永城還得戚發文：「見到你對電視咁有興趣，一聽到音樂就郁身郁勢，送你去做練習生，逼你潛能出嚟，係會辛苦嘅，大個咗唔好怪我，我係為咗你好咋，聽日開始。」一眾藝人都大讚Sir Face好可愛，亦有人留言笑指：「唔使逼，佢嘅潛能已經出晒嚟，藝術細胞超滿分」、「好可愛呀～爸爸走咗入電視機入面」、「好叻叻，睇背影也認得爸爸」。
Sir Face得意成長照：
洪永城北上拍劇被女兒嫌棄
其實日前梁諾妍作客HOY TV節目《開運秘笈》，Sir Face在電視見到媽咪同樣興奮衝上前大叫，又不斷彈吓彈吓。相反，洪永城去年主持TVB節目《阿媽唔信我去亞馬遜》，「強逼」囡囡Sir Face捱夜睇電視，還開心說：「衰女終於認得我啦！」不過當時Sir Face一臉呆滯坐在爹哋大髀上，不斷瞌眼瞓，與看到媽咪時反應大不同。而洪永城上一套播出的劇集為《香港人在北京》，他一度北上拍攝三個月，回家時女兒竟然不認得他，洪永城從太太手中抱過女兒，Sir Face更在爸爸懷裹喊到聲嘶力竭又踢晒腳，令洪永城非常傷心。
其他文章：
2歲Sir Face睇嗲哋媽咪上電視反應大不同？見梁諾妍興奮彈跳 半年前睇洪永城係咁……
洪永城愛女Sir Face瞓地飲奶萌爆露出小肚腩 梁諾妍力證與未出世妹妹有相同嗜好
洪永城老婆「巨B」陪同下宣布第二胎性別！夫妻咀嘴報喜 Sir Face做家姐現呆樣
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
