翁靜晶剖釋李龍基未婚妻風波？法律角度談借錢行使假文件寸有人無錢買學位做菠蘿雞

更新時間：14:35 2024-01-26
發佈時間：14:35 2024-01-26

59歲翁靜晶早年轉行成為律師，先後揭發大埔定慧寺帳目混亂及住持釋智定的醜聞而獲網民封正義俠女。早前翁靜晶開設YouTube頻道「危險人物2.0」，分享早年辦過的案件及所見所聞，前日（24日）翁靜晶更以「李龍基王青霞欠債事件」為題直播，以法律角度大談香港及美國西雅圖借錢追溯期、買博士學位及行使假文件等知識。

相關閱讀：李龍基未婚妻搵「星級律師」平風波？律師大有來頭同林作有關仲拍過電影

翁靜晶點以法律角度講城中熱話？

翁靜晶在影片中談到潮興「人設」，翁靜晶指近年香港出現許多忽然冒出的人，大家亦從沒聽聞這些人在港有任何家人或根源，但卻很有錢又經常與明星名人出入，傳媒開始報道這些人的富貴生活，繼而被外界公認為有錢人。翁靜晶似有所指說：「公認之後佢就作啲背景出嚟，又做啲人設，話自己識揸飛機呀，自己係博士呀，咁做啲人設嚟做咩呢？最簡單嘅理由就係等人相信你、喜歡你，同你做朋友，如果係咁就冇乜所謂，你咪認叻囉，但最可怕嘅係擺呢個局出嚟呃人。」

翁靜晶勸各界小心忽然冒出人士

翁靜晶續說，近日一名女子因歌手李龍基而為人認識，翁靜晶說：「大家明眼一睇都知好多嘢係唔可能嘅。」翁靜晶提醒有名氣、地位的人小心忽然冒出的人，以免被埋身集郵兼扮Friend，「娛樂圈有好多唔係話當紅，係時間比較多嘅人，好多時會俾人請出去食飯、有啲飯局，比較孤獨啲又唔係兒孫滿堂，或者比較寂寞，佢哋好多時就會參加呢啲飯局、Party，就會俾呢啲人設利用咗去影相，送啲禮物畀你、畫啲畫畀你、送衫送袋畀你，點解會係咁樣呢？原因都係因為想用你去支持佢嘅可信度，呢啲就要比較小心，作為名人，影相都要諗一諗，啲人攞你張相係做乜嘢。」

李龍基與未婚妻王青霞（Chris）合照：

及後，翁靜晶以假設案例分享法律知識，若一個男人6年前在美國向一名香港人借出3萬美金，6年後來港向該名香港人追債，她指香港有時效條例，借錢是民事協議，追溯期為6年，故屬過期「冇得追」，美國西雅圖的民事追溯期則是3年，翁靜晶補充：「你借錢時講好兩個星期還錢，兩個星期過咗你唔還就已經毀約，咁就喺嗰度開始計美國3年，或者香港6年。如果佢有還錢，還咗5千蚊、2千蚊畀，咁就喺佢最後一次還錢，或者拉黑嗰一吓開始計毀約。」

翁靜晶談被恐嚇公開不雅照

倘若在大氣電波威脅借錢人，不還錢便公開對方的不雅照，翁靜晶強調此舉乃恐嚇、勒索，更不能講「你唔還我就殺咗你」，該影片隨時成為罪證。至於「誹謗」的成立條件，翁靜晶表示，男人稱A小姐為借錢而跟自己發生性行為，若這件事沒有發生便屬誹謗，案件進入法律程序時，應由男方或主持網台的人去舉證，若對方不來做證，主持網台的人需承擔一切責任，轉載亦要負上責任。

翁靜晶直言行使假文件好大鑊

提到假學歷問題，翁靜晶稱許多城中名人在「野雞」大學買博士頭銜，她寸道：「有人成日話自己係博士喎，其實博士好容易買咋嘛，5萬蚊不如買個博士返嚟啦，你如果有錢去告誹謗，不如買個學位返嚟，平過你去打誹謗啦，如果個博士學位都冇錢買，要扮假嘅，你點樣打告誹謗呢？好貴㗎！冇錢買咪好好哋讀囉。」被問到行使假文件？她表示，行使與單純管有的分別很大：「如果你攞住一張你自己整、話國家主席寫畀你嘅賀卡搵嘢做，令人相信呢張嘢係真，從而得到好處，呢個就係行使，好大鑊嘅，最高判十幾年。」