黎諾懿慰問陳敏之望好友盡快離開傷痛 龍婷對曹敏寶與梁浩銓緋聞不知情
發佈時間：17:45 2024-01-27
黎諾懿、李錦聯及梁雅琳今日到深水埗，與一眾長者及單親人士一起食團年飯。黎諾懿透露將會在年廿七收爐，新年會為家人下廚煮團年飯外，因兒子學滑雪，所以新年將會與家人到北海道旅行，等兒子可嘗試滑真雪，不過諾懿就謂因年紀大加上有舊傷患，自己只會在旁監督，預計會在當地逗留8日，問他是否會去找好友鄭伊健，他笑指對方新年會返港。
至於身為飲食集團股東的他，今年是否賺到盤滿缽滿過肥年？諾懿笑說：「我蝕你哋唔知，OK嘅，飲食係爭啲，唯有做直播彌補番蝕嗰啲同股市，不過都睇好過完年會好返。」提到好友陳敏之的媽媽日前因病離世，諾懿表示也有慰問對方，不過始終要給她一點時間：「始終最親嘅人走咗，不過我哋成班香港手足都會撐，希望佢盡快離開傷痛。」
龍婷以嘉賓身份到場，她表示很喜歡有家庭氛圍的活動，又謂很注重新年，一定會跟爸爸媽媽過：「因為新年係一年嘅開始，覺得好重要，特別今年係龍年，我叫龍婷，所以好重視呢年發展。」她又表示平日也會下廚，又喜歡到街市買餸，更自認煮餸幾叻，只要吃過的中餐都可以煮出來，問會否想找另一半，然後煮給對方吃？她說：「煮俾父母都好開心，好滿足，（唔想搵另一半？）有冇好介紹？」提意她找《中年好聲音》成員，她即時搖頭，問到是否有很多追求者？她笑言大把粉絲，但因為工作很忙，所以沒有想過要拍拖，覺得可遇不可求。
近日《中年好聲音》成員曹敏寶與梁浩銓傳緋聞，龍婷表示不知道，因很少留意新聞，她指「中1」成員個個也很熟：「經常由朝見到晚，日對夜對個個都friend，（佢哋有冇特別親密？）我唔知，我對呢啲嘢冇乜興趣。」
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
