60歲苑瓊丹自爆有公主身份！「玻璃大王」老公成拿督都要下跪請安
發佈時間：12:00 2024-01-29
現年60歲的苑瓊丹入行40年，先後在亞視和TVB拍過不少劇集，亦在周星馳電影《唐伯虎點秋香》演石榴姐和《九品芝麻官》的龜婆成為不少觀眾的集體回憶。以往不少人更直接稱呼她做「石榴姐」，但現在大家要改口叫她公主！
食神梁文韜曾勁減130磅又再暴脹？巨腩「重出江湖」 身形似3個苑瓊丹
苑瓊丹突然升格做公主？
新春在即，一向顧家的苑瓊丹返港準備過年，她近日拍片時被揭最近身份有轉變，她即笑言：「係咪失婚婦人？」但其實苑瓊丹是要向大家宣布近日獲頒「公主」名銜的喜訊，她解釋：「我鍾意幫吓手，唔覺意俾人提名做公主，頒發嘅機構係菲律賓政府，我被冊封嘅係穆斯林公主，即係所有穆斯林嘅國家都要叫佢做苑公主。」苑瓊丹更笑稱要「玻璃大王」老公黃乃掦下跪請安：「大家叫我做『石榴公主』我都幾開心嘅，老公自動做埋拿督，如果去大馬等穆斯林國家，機場可以行紅地毯添！正所謂人一世物一世，試吓做公主都唔錯，我真名叫苑麗瓊，英文字係『King』嘛，根本就係皇族嚟嘅，所以買頂皇冠獎勵自己。」
苑瓊丹從影40年多佳作：
苑瓊丹澄清非息影
以前很多人稱呼她做「丹姐」、「石榴姐」，但苑瓊丹笑指最後改叫「石榴公主」。現時榮升做公主，問到會否加片酬，早前傳出「息影」的苑瓊丹即說：「唔拍戲點會加？我唔係『息影』，只係唔拍住！分別係息影就唔使搵我啦，唔拍係可以傾吓，但都係覆你唔得閒，因為嚟緊龍年好忙碌，要內地做直播之餘，仲想將呢個產業帶返嚟香港，有時間想開個講健康嘅頻道添。」講到新年願望，她笑言不會趕製「小公主」，會專心照顧家中十多隻小狗：「而家有十幾隻狗仔，雖然我成日四圍走，但唔會搬佢地返內地喇，因為香港有兩個工人照顧，我返嚟就由公主變返做奴才追住幫佢地『執金』」。
其他文章：
60歲苑瓊丹宣佈不再拍戲？全力攻直播市場吸金：一場隨時賺百萬
唐伯虎點秋香30年丨陳百祥苑瓊丹古裝Look合體 祝枝山與石榴離開柴房拜堂成親？
苑瓊丹被捕獲與周星馳聚舊掀回憶殺 親解真相惹爆笑網民空歡喜一場
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
