黃心穎首揭「安心事件」爆發後未即時道歉原因 曾多次想輕生：好內疚
發佈時間：17:48 2024-02-03
黃心穎因與人夫許志安的桃色醜聞沉寂多時直至去年復出並轉攻樂壇，近日黃心穎為最新作品《I Sleep》接受雷霆881商業一台《星光背後》專訪，談到「安心事件」爆發後的心路歷程，黃心穎更首揭當時沒有即時道歉的原因。
相關閱讀：黃心穎首以人妻身份賀35歲生日 孖泥鯭花式低調放閃浪漫晒玫瑰
黃心穎談爆發「安心事件」心路歷程：
2012年港姐亞軍黃心穎，於2019年爆出「安心事件」，形象即時插水！事後黃心穎避走美國8個月進修。黃心穎指事件爆發後，對家人感到內疚，受訪時更爆喊表示家人沒有因多番被追訪而埋怨她：「嗰一刻佢地見到我個狀態，如果佢地再埋怨我的話，我應該頂唔順。我係好內疚，因為事件後家人受到騷擾，亦影響到佢地生活，當時好多傳媒喺家人屋企樓下等，亦影響到佢地工作真係好內疚。」
黃心穎：報道出街前已收到風聲
黃心穎分享在「安心事件」報道出街前，其實早已收到風聲：「事前有少少風聲話有單新聞關於你哋會出街。坦白講，爆出前我係驚過事件曝光，一直都好擔心，就好似一個炸彈等住爆咁樣，所以新聞出街後，內心反而平靜咗。但事件曝光後，心情又係另一個世界。」黃心穎表示新聞曝光前曾想過輕生：「件事出街前，我其實有諗過我係咪要消失係呢個世界，之後有好多好朋友即刻到我屋企睇住我，但我個情緒都係好差，好似浮雲咁。」對於醜聞爆出至赴美前，黃心穎一直被批評沒正式面對公眾或開記者會道歉，她首次披露原來遭舊公司禁止，「我好記得事發第一日，我有問過公司係咪都要開一個記招去道歉，但公司怕好多人鬧或者追問，所以當時就話唔好做住。」黃心穎表示當時很想即時公開道歉，「我記得有一下好衝動，同朋友講想直接落樓下見記者道歉，當然被我朋友阻止。」黃心穎指離港赴美前十天一直不好受：「之後有好多唔同新聞，我諗公司都傾向唔做記招，但係我覺得自己做唔到一個人，就不如離開香港。」
黃心穎婚禮照：
黃心穎談父女情
事發後，黃心穎赴美國讀戲劇避靜長達8個多月：「事發十日後離港，出發前都無見爸爸，佢都無提起呢個話題，因為大家都消化緊，到自己去到美國時候，佢地認為我應付到情緒，都有單獨send message俾我。」黃心穎指父親愛之心責之切，「待我情緒穩定後，爸爸都有打嚟鬧我，叫我做任何嘢都要諗清楚後果，唔可以再咁任性。」八個多月後，黃心穎因三家姊生孩子決定回港：「屋企人都好開心我返嚟，所以返到嚟個感覺係好溫暖。」黃心穎父親於十二月因病離世，黃心穎激動落淚稱遺憾能陪伴父親的時間不足夠，「回來同爸爸相處多了，但係覺得唔夠，認為可以陪佢多啲，可能呢啲就係人的遺憾。」黃心穎父親亦堅持看到黃心穎幸福出嫁才離世，並希望女兒活得開心快樂。
黃心穎獲途人鼓勵：世界仍然美好
四年前爆出「安心事件」時，黃心穎曾於社交網撰文認錯，美國回港一落機亦曾接受記者訪問公開道歉，但不少網民窮追不捨，即使去年轉做歌手出MV，亦有不少負面批評留言，被問到回港後在街上有沒有受過責罵，黃心穎說：「係街上面從來都無人會過嚟鬧我，反而係有好多人走過嚟同我講加油！」黃心穎亦分享最近獲途人打氣：「最近放狗時，遇到一個女仔突然走嚟同我講，叫我唔好驚！果刻我反而很驚，點知佢同我講，話其實我已經見過我兩年，一直唔夠膽同我講嘢，佢好想同我講一聲加油，做女仔都可以好堅強！聽完之後，我即刻覺得個世界仍然係好美好！」
防止自殺求助熱線：
「情緒通」精神健康支援熱線：18111
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
賽馬會青少年情緒健康網上支援平台「Open 噏」：http://www.openup.hk
其他文章：
黃心穎回顧2023年晒與泥鯭恩愛照！疑曝光大家姐新戀情 黃心美曾離婚戀薛芷倫大仔
黃心穎一家走出喪父傷痛！為母親慶祝生日 黃心美承諾加倍愛媽媽
黃心穎名中醫父離世終年75歲 上周二女晒三代同堂溫馨拖手照成回憶
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
