星8卦｜「學霸」入行被飛恨嫁入豪門鋪路失敗事業冰封好淒涼

更新時間：11:45 2024-02-06
發佈時間：11:45 2024-02-06

曾幾何時「學霸」以為自己贏得天下，但其實同任何一個女人無分別，都死喺一個情字手上。青梅竹馬「輝仔」同「學霸」真係準備結婚，但女方突然好似貪慕虛榮咁入咗行，「學霸」發誓話自己唔會變，其實係畀咗機會自己嘅中學同學攝咗入嚟，「輝仔」提出分手，「學霸」都以為遲啲無事，但唔夠一年兩個人結埋婚，「學霸」真係完全接受唔到，從此佢明白要自己出名啲，搵個好碼頭快啲嫁。

所以有一段時間佢日日同「芳姨」一齊，搵到富三代「威仔」即瞓身出擊，但始終唔及得「芳姨」識扮高貴，學歷又唔夠人哋滿口番文，「威仔」恃住屋企大把，對兩個女人都畀假希望，結果兩個女人都係輸家。「威仔」唔知乜事返咗祖家搵咗個好紅嘅名模，阿媽初時嫌三嫌四，但知道新抱嘅知名度可以幫阿仔發展事業，即刻由得兩個後生仔自己建立家庭，仲三年抱兩，鬼咁幸福。

「學霸」亦都因為爭仔同「芳姨」反咗面，「芳姨」嘅大靠山「大媽」知道咗之後直情封殺「學霸」，唔畀佢出生天，喺好無奈嘅情況下就用讀書為名，諗住有乜情況就轉行，點知又畀佢守到而家仲可以捱住生存，真係難得！

星8卦｜「可愛」喪多口得罪人「才子」被連累唔見錢隔離求自保

星8卦｜「巴辣」「華生」聽師傅話狂做好事儲定彈藥等收成

星8卦｜「妹妹」服侍「叔叔」等分身家「痴情」未知真相懷疑戴綠帽

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ