美斯訪港｜丁子朗胡鴻鈞尖叫自拍 旅遊達人索簽名慘食檸檬 名媛坐遊艇打卡超架勢
發佈時間：20:00 2024-02-03
阿根廷「球王」美斯（Messi）所屬的美職聯球隊國際邁阿密，今日（3日）在香港大球場公開操練，明日（4日）將與港隊進行表演賽。一眾球員昨午（2日）約2時45分抵港，隨後於香港富麗敦海洋公園酒店舉行記者會，旋即吸引大批球迷到場追星，連丁子朗、胡鴻鈞（Hubert）及TVB前體育主播伍家謙等也現身朝聖！
相關閱讀：獎門人丨「三太」樊亦敏被小鮮肉連環啜嘴冧到暈 呂慧儀腳擒丁子朗
有乜圈中人追美斯？
一眾「星級球迷」昨日獲安排在酒店入口的頭排位置守候，事後大家紛紛於社交網開心Share追星片及「合照」，可見丁子朗、胡鴻鈞及伍家謙全程舉機長Roll捕捉偶像風采，當見到美斯步入酒店大堂時，現場即歡呼聲音四起，胡鴻鈞和伍家謙更不忘與美斯「遙距」Selfie，丁子朗憶述：「估唔到真係可以野生捕獲美斯，超級激動，我同Hubert 即刻尖叫咗出嚟！」
伍家謙多次採訪竟首捕獲美斯
化身「小粉絲」的伍家謙則謂：「咁講啦，美斯我見過好多次，巴西世界盃（仲係決賽𠻹）、俄羅斯世界盃、巴塞同巴黎都有，不過次次都係做嘢冇機會影相，今次算係咁多年嚟我第一次捕獲佢～（雖然炒炒哋）」同場的旅遊達人謝利Jerry.C（陳國熙），更準備球衣「出盡奶力」遞向前索簽名，惜美斯眼尾都唔睄直行直過，請謝利食檸檬，場面尷尬。
邱李茂琪粉紅Look影「美斯號」
另因應美斯訪港，古董中式觀光帆船鴨靈號亦變身「美斯號」暢遊維港，不少人都海旁打卡這艘印上美斯人像的粉紅色帆船，其中溥儀眼鏡創辦人邱子傑（Jeffery）的太太邱李茂琪（Margaret）更特別坐遊艇出海，並以一身Shocking Pink造型留倩影，認真誇張！
睇丁子朗更多照片：
其他文章：
馮盈盈魔音越級挑戰男歌手歌 丁子朗獲Bob鼓勵不理評價 朱敏瀚被讚有飛機師潛質
丁子朗擔大旗做台慶頒獎禮司儀惹負評 感激曾志偉大膽安排自覺多地方要改進
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
