鄭啟泰逝世丨黎海珊聞前夫死訊爆喊！因男方出軌離婚：當日怨恨已微不足道
發佈時間：22:00 2024-02-03
鄭啟泰今日（3日）離世，終年56歲。鄭啟泰早年主持商台節目《開心看天下》，與曾拍TVB處境劇《卡拉屋企》的黎海珊閃婚，不過婚姻只維持5年，便因第三者介入而離婚。前妻黎海珊獨家接受《星島頭條》電話訪問期間忍不住多次落淚，強調只會記取鄭啟泰最美好一刻，包括當日他跟邵國華（邵大哥）如何拼搏做好電台節目，至於兩人當日的怨恨經已再微不足道了。
相關閱讀：鄭啟泰逝世丨曾與《卡拉屋企》黎海珊閃婚 因第三者離婚收場 後與前女友未婚生女
黎海珊對前夫鄭啟泰離世難接受：
黎海珊接到鄭啟泰死訊後，坦言好自然地尋找舊相片來懷緬一吓，才發現原來邵大哥2022年因病離世，慨嘆唔夠兩年，昔日成個節目走咗兩人（主持），她傷感道：「唉！感覺係咪自己攞嚟？其實可以好好哋唔睇，但又似乎要有啲紀念儀式感，睇完相覺得係咪太後生...（走），邵大哥就話有病啫！」語畢嗚咽起來。目前她最擔心uncle及auntie（鄭啟泰兩老），反而鄭啟泰後事有他的未婚妻及家人處理：「我只係佢前前妻，佢仲有前妻及女兒。」
鄭啟泰前妻黎海珊近況：
黎海珊上次於活動見鄭啟泰
黎海珊最後一次見到鄭啟泰在一個傳媒周年酒會活動，她憶述說：「當時佢主動拉埋我一邊傾偈，狂呻電台點虧待佢，又透露之後轉移嘅幕前大讚，開心獲樂易玲簽約做藝人...」原先他還要求合照，但有人過來打斷了，所以合照不成事，問到會否感到有遺憾？黎海珊即說：「唔會，我會記取一齊做節目嘅開心時刻...」此刻她又再忍不住落淚：「我覺得係要記住佢同邵大哥兩個人做節目時個樣，因為嗰段時間最開心，我哋3人時不時為做好節目度橋，鬼怪（鄭啟泰）係節目監製，我哋返到屋企都係講公事。」
其他文章：
DJ鄭啟泰離世終年56歲 昨晚突肚痛入院 日前宣布向女友求婚成功
鄭啟泰逝世丨與前港隊未婚妻王雁芝同居2年兩日前宣布結婚 低調拍拖甚少放閃
鄭啟泰逝世丨未婚妻王雁芝開腔回應愛人死訊 揭鄭啟泰走得突然 日前仍在商討婚禮細節
鄭啟泰逝世丨3日前曾晒舉重片表現精神開朗 重返新城窩心派玫瑰贈女同事
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
