鄭啟泰逝世丨昔日共事好友悼念！六合彩之子三台相遇嘆人生無常伍仲衡愛妻相識逾20年

更新時間：17:10 2024-02-04
發佈時間：17:10 2024-02-04

新城電台DJ鄭啟泰昨日（3日）驚傳死訊，終年56歲。鄭啟泰在演藝圈工作超過25年，生前同時擔任演員和主持工作，參與過不少電視劇和節目主持的工作，今次突然驚傳死訊，實在令家人和一眾好友們難以接受，不少曾與鄭啟泰生前共事過的朋友，紛紛貼上昔日合照留言悼念。

鄭啟泰逝世丨曾與鄭啟泰生前共事過的朋友留言悼念：

蔡國威在社交平台貼上與鄭啟泰的聚會合照並說：「跟你認識，應該係我喺新城電台報交通嘅年代開始。嗰時你同邵大哥（邵國華），海珊姐（黎海珊）一齊做節目，見到你哋好犀利，好開心，好合拍，火花四起，轉數好快。絕對係我學習對象之一…..之後喺亞視再結緣，能夠接觸，相處嘅時間更多，更多機會工餘一齊聚會。每次你在場都一定帶動到氣氛，因為你就係咁多嘢講，愛玩、樂天、幽默、瘋癲…喺無綫第三度相遇，見你好享受每個演出，好用心，有多啲機會合作就好啦….. 但實在太突然，太無常…..希望你一路好走，家人保重節哀。」

移居英國的林子博亦貼合照留言：「去英國之前嘅一年喺新城開咪，錄音室對出就係你張枱，每次見面都會吹吓兒女經。幾個月前暑假返香港，喺新城Show後台再撞返你，兩個老竇終於見到對方口中亭亭玉立嘅女兒，大家嘅感覺都好特別！有幸喺ATV、TVB、新城都做過同事，雖然未真正合作過只係點頭之交，但每次言談中，都感受到你係一位好爸爸，一位專業嘅DJ，一位好演員好主持！朋友，一路走好！希望你嘅至親可以盡早走出傷痛！」

藝人好友悼念鄭啟泰：

與鄭啟泰合作多時的鍾慧冰更稱：「收到這個惡訊時，我正在曼谷酒店房間內，準備在兩小時後的夜班通告前小睡一下。手機忽然彈出鬼怪的一張黑白照，心頭一緊，驚懼仿如大石壓胸般透不過氣來！曾在有線電視共事多年的同事，一年內Nelnel（張學潤）先走，接著鬼怪也走了！是的，屬於鬼怪那些天馬行空的技倆、笑死人的笑話，從此只能在回憶中尋找了！May you rest in peace, Eric！」

音樂人伍仲衡的太太還貼上當日鄭啟泰祝賀兩人結婚的短片並說：「好幸運我二十幾年前入行已經能夠認識鬼怪，佢真係好好人，總之每次見到佢，佢都係笑面迎人。上年10月喺新城電台見到佢，仲同佢哋拍呢條片，跟住再見就係我哋婚禮，好記得個畫面佢戥我哋好開心，飲到塊面紅卜卜，圖二張相就是我們最後的合照，希望你喺第二個地方繼續開開心心呀！」

鄭啟泰逝世丨瑪姬與鄭啟泰相識18年

前DJ瑪姬與鄭啟泰相識18年，對好友離世坦言真的很難接受：「我永遠會記得，咁多年嚟我哋每次提起都笑到標眼水嘅其中一次司儀經驗，嗰次喺台上面我哋笑到完全講唔嘢，我已經失守擰埋一邊笑到成個人震晒，你就一個人頂，好認真咁讀成張A4紙咁多、內容完全黐線地天馬行空嘅飛紙仔，你讀到第三句都終於忍唔住笑到讀唔到落去～疫情期間我邀請你幫手做我嘅《我有我愛你》cover MV男主角，一個message你即刻二話不說答應，仲出動埋私伙saxophone，令畫面更豐富，拍足成個下晝，我一蚊都無畀你，你一句怨言都無，拋低一句『係妳咋，同妳無得計』，非常感激！願你在另一個地方，繼續用你的靚聲、帥氣、親和力，活得自在快樂，鬼怪 R.I.P」

其他文章：

鄭啟泰逝世丨未婚妻王雁芝徹夜難眠貼合照慨嘆：要學會自己一個人瞓覺喇！

DJ鄭啟泰離世終年56歲昨晚突肚痛入院日前宣布向女友求婚成功

鄭啟泰逝世丨與前港隊未婚妻王雁芝同居2年兩日前宣布結婚低調拍拖甚少放閃

鄭啟泰逝世丨未婚妻王雁芝開腔回應愛人死訊揭鄭啟泰走得突然日前仍在商討婚禮細節

鄭啟泰逝世丨王雁芝IG貼未婚夫最愛一物！相隔兩日跌落谷底日前撐枱腳：無拖無欠

鄭啟泰逝世丨3日前曾晒舉重片表現精神開朗重返新城窩心派玫瑰贈女同事

58歲「御用老外」河國榮燒炭身亡曾患抑鬱疑難捨去年離世愛妻

河國榮逝世｜布偉傑證河國榮歷喪妻之痛閉關多時大半年前曾表示有新轉變感開心

河國榮逝世｜「消失」社交平台個多月最後更新戴黃帽賀聖誕扮聖誕老人

河國榮逝世丨醫科生來港任教師結識老婆Bonnie閃婚愛妻有心臟病不計劃生育

河國榮逝世丨做周潤發英文老師跟去墨西哥拍戲獲發哥鼓勵追夢演戲唱歌