黃心美逐步走出喪父陰霾！貼爸爸診症室照：無之前咁痛咁傷心難過
發佈時間：18:30 2024-02-04
黃心穎的中醫父親黃沛霖在2023年12月14日傳出離世消息，享年75歲。黃沛霖生前與家人關係密切，感情好好，黃爸爸離去後，黃心美坦言上了很大的一課，沉澱後變堅強要好好過日子。昨日（3日）黃心美更新了IG並說：「繼續努力加油！」
相關閱讀：黃心穎一家走出喪父傷痛！為母親慶祝生日 黃心美承諾加倍愛媽媽
黃心美貼爸爸生前工作室相：
黃心美昨日（3日）在IG貼上爸爸生前用來診症的工作枱並說：「只喺呼吸能夠承受嘅範圍內努力⋯呢段時間總有處理唔完嘅事情，而每當我覺得好攰或者就嚟要爆嘅時候，就會返嚟daddy屋企坐吓。要全然釋懷仲需要啲時間，但係起碼無之前咁痛咁傷心難過，進步緊架嘞，繼續努力加油！」不少網民留言為黃心美打氣，有人說：「首領加油，亦請不要給自己太操勞，好好保重身體！希望您能早日走出傷痛。」、「你好叻！」、「take care and hang in there!!」、「要面對目前!珍惜每分/每秒！」、「好好加油，雖然最近未合作到，但好想同你再夾做嘢，同埋希望你開開心心，早日走出傷痛。」
黃心穎婚禮照：
因為妹妹黃心穎爆出「安心事件」，身為大家姐兼圈中人的黃心美首當其衝亦受牽連，即使失去了工作，但黃心美依然力撐妹妹：「屋企人冇所謂拖唔拖累，千錯萬錯佢都係我妹，我嘅立場係呢世都不離不棄。」事隔多年，黃心穎事過境遷覓得真愛，與RubberBand鼓手泥鯭（黎萬宏）舉行婚禮，黃爸爸當日也有到場，開心送女兒出嫁。黃心美經歷爸爸離世後，她曾稱連環打擊下變得堅強，凡事從另一角度去看都有好處：「其實爸爸走咗都係好，有機會畀我盡孝，我有一段長時間同爸爸生活、照顧佢。」
其他文章：
黃心穎首揭「安心事件」爆發後未即時道歉原因 曾多次想輕生：好內疚
黃心穎名中醫父離世終年75歲 上周二女晒三代同堂溫馨拖手照成回憶
黃心穎父逝世｜大家姐黃心美被轟消費亡父 遭翻摷黑歷史佛系回應網民負評
---
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
