J2女神黃紫恩形象幻滅？陳年私影相撞樣王祖藍 遭連登仔圍攻親自逐一解畫
發佈時間：20:30 2024-02-04
J2節目《不正常愛情研究所》在前晚（1日）播出研究題目「Model 圈secret」內，主持之人的黃紫恩（Jojo）自揭中學時期擔任過私影模特兒，同場更晒出多張私影時的相片，結果被連登仔熱討！
相關閱讀：J2女神黃紫恩急性焦慮症發作！日吞20粒藥丸 撰長文分享苦況鼓勵求助
J2女神黃紫恩陳年私影相撞樣王祖藍？
在節目上，黃紫恩表示當時是經網上應徵入行：「嗰時認為做私影模特兒好型，啲同學話去溫書，我就話要開工 shooting，而且一個鐘成 500 蚊，嗰時最低工資都係 30、40 蚊，覺得識賺錢好叻。」黃紫恩透露部份拍友會有特別要求，會盡量滿足對方︰「佢哋會預備啲制服，問我介唔介意換，但都會提醒我打好底，成班龍友好斯文好尊重我。」不過有一款照片，黃紫恩坦言多多錢都不會接︰「從唔會拍泳衣私影，只會留畀男朋友影。」
本來做模特兒並不是甚麼奇怪事，而且當時黃紫恩並非性感造型，但相片曝光後，竟然被連登仔熱討！原來有連登仔覺得黃紫恩「個樣男扮女咁款」、「有冇啲近期啲既相？啲相好似影左超過10年咁！」甚至覺得黃紫恩與王祖藍撞樣！黃紫恩今日（4日）在IG限時動態出PO並說：「一起身畀人攻擊得好慘，有冇連登仔哥哥姐姐喺度？你問我答！」對於被指是「偽娘、男扮女咁款」，黃紫恩說：「未必，今時今日嘅偽娘正好多的，唔開心以前以為係唔化妝，所以畀大家攻擊似男人。我而家大個了，知道個樣似男人係事實，已經改變唔到了！」
黃紫恩自揭焦慮症發作：
有網民覺得「做女人真係好幸福」，黃紫恩說：「我唔幸福，因為我係一個似男人嘅女人。」再有人留言話鼻大一事，黃紫恩就說：「呢個駁唔到，如果我有AC，我會畀正評你的。」亦有人質疑相片太舊兼是她自己流出來做新聞，黃紫恩坦承：「你沒有錯，呢個是自己流出，素材都係我提供，每次出節目討論主題都會有新聞稿，例如今次題目係『模特兒』，而我喺節目入面都share咗自己中學嘅經歷，咁我又唔紅好多好心嘅記者朋友，都會做下小訪問咁。我中學真係好耐之前了，嗰陣係興呢種又黃又舊嘅vintage filter，自己多手又重P，唉！Sorry lor.」最後黃紫恩多謝網民賞識：「雖然你哋個個匿名係好似不負責任，但係呢個平台嘅意見都係最辛辣直接，而且都有地方可以反思自己，多謝各位哥哥姐姐。」
其他文章：
獎門人丨J2女神黃紫恩胸前離奇現水漬 懶理靚樣張「血盆大口」啜乒乓波
J2女神黃紫恩暈倒面部撞地毀容傷痕滿面 整容後近照曝光仲靚咗即派福利圖吸Like
J2女神黃紫恩暈倒靚樣直撞地面！成額血兼撞爆鼻樑下巴傷勢嚇人 毀容即做整容手術
---------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
