肥媽做「評審」惹爭議！被44歲男星拖手掃背摸下巴冧爆 明明瘋狂走音仍讚有進步
發佈時間：21:00 2024-02-04
現年69歲的肥媽（Maria Cordero）與44歲陸浩明（6號）早年為TVB主持多輯《食平D》系列，感情好到要上契。陸浩明日前與肥媽合體拍片，並高歌一曲，又拖又摸肥媽，又要求肥媽這位《中年好聲音》評審點評一下自己的表現。
相關閱讀：肥媽山姆超市掃貨買呢啲！豪花XXXX元塞爆兩架購物車 內地網民呻窮：我幾個月薪水
肥媽做評審惹爭議？
肥媽前日（2日）在小紅書分享一段影片，只見陸浩明一邊唱張敬軒的《餘震》，一邊用手強行拖肥媽的手，雖然肥媽多次想鬆開，但不得要領，被契仔𠱁得笑逐顏開。之後陸浩明步步進逼，不停用手掃肥媽的背部，並用手搭肥媽的肩膊，坐在她旁邊深情獻唱，見肥媽欲拒還迎之際，陸浩明更索性用手撩肥媽的下巴。用盡九牛二虎之力唱完的陸浩明，叫肥媽給評語，肥媽直指：「經常走音，音準控制唔到，第二，唱歌冇感情，好飄忽」，正當陸浩明非常沮喪之際，肥媽即安慰對方：「不過以阿陸嘅水準，佢應該練咗好多次，真係有進步」！網民卻不認同肥媽，紛紛留言：「走音！走到離晒大譜」、「差啲聽不出係邊首歌」、「唔好再唱啦」，更有人提議陸浩明直接參加《中年好聲音》，並用肥媽的金句，叫陸浩明「最緊要en joy」！
肥媽言論引起幾多爭議？
肥媽愛屋及烏錫陳詩欣
除了冧契媽外，陸浩明冧女都有一手，他與圈外女友陳詩欣（Ayan）拍拖11年，不時於IG放閃，即使經常被催婚而仍未有行動，兩人依然形影不離，經常結伴去旅行，早前聖誕，又以名牌CHANEL的標誌為主題佈置聖誕樹。而肥媽也愛屋及烏，曾與陸浩明及陳詩欣一同拍綜藝節目《煮．野食》，對這位「新抱仔」非常愛錫，更親授「御夫術」：「要鎖住男人個心就要鎖住佢個胃，因為佢習慣咗你嘅嘢食，佢出去食嘢就唔開心！」
其他文章：
萬千星輝頒獎典禮2023｜肥媽浮誇造型震撼眼球！似登基又似午餐肉 再換衫領獎竟是同系列？
肥媽李鼎打大佬丨肥媽點名絕不跟影后老公打牌 李家鼎連爆好運藝人女星頻中六合彩
肥媽李鼎打大佬丨A0游嘉欣狂問驗貞操問題！自揭保貞操奇招 李家鼎：有塊嘢叫初夜布
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
