林家棟揭謝賢身體狀況 預告四哥90歲大壽將搞「XXX舞會」？
發佈時間：18:55 2024-02-17
導演麥啟光率領一眾演員林家棟、符家浚、王頌茵（Kathy仔）和姜卓文為賀歲片《臨時劫案》到戲院謝票，但可見林家棟身形變瘦，他解釋農曆年躲在公司忙於寫劇本，日日寫到凌晨四、五點，又沒有胃口吃東西搞到變瘦。他更透露今次會擔任監製兼參演，當中以兄弟情為題材，心目中已有心水的演員，配搭亦有新鮮感。他說：「依家劇本最重要，雖然投資方催我開拍，但都要搞好劇本，寫到第二稿，最快年底先開拍。疫情三年觀眾對劇本嘅要求高咗！所以搞好劇本先。」
相關閱讀：87歲謝賢「緊急入院」？狄波拉閨密貼近照闢謠 又紅又橙造型勁sharp醒
林家棟等人為《臨時劫案》謝票：
對於《臨時劫案》於春節檔期排第三位近千萬票房，林家棟笑說：「正！好開心，初時電影公司唔想排賀歲檔，但當年《門徒》喺賀歲檔上映都有好成績。呢部戲講男人之苦，過往大多數講女人之苦為主，而且我哋都好耐無拍黑色喜劇。」林家棟又指郭富城也想開拍續集，導演也表示有機會，還度好片名叫《臨時命案》。當笑問可會脫單谷票房？他笑言也希望。
四哥謝賢想拍《殺出個黃昏》續集
另外，提到農曆年可有向謝賢（四哥）拜年，他說：「有呀！（有傳四哥身體出狀況？）佢不知幾精靈！講返以前碰查查跳舞，仲講笑話等四哥90歲大壽，包個老歌場等佢跳碰查查。」問到《殺出個黃昏》可會開拍續集，家棟表示該片在網上平台有好成績，四哥也想拍續集。他說：「佢仲問我，𡃁仔有乜嘢撈？我叫四哥唔好催我，因為係為佢度身訂造，唔係埋位就埋位！如果開拍Bobo姐（馮寶寶）角色都要翻轉嚟玩，唔會重複上一集，上次都搞咗七年先開拍，今次都要啲時間，雖然唔知票房收幾多！希望起碼有票房，要台前幕後參與嘅人都要贏。」
謝賢最新近照曝光：
其他文章：
87歲謝賢精神奕奕約朋友食飯 無伴赴會感情生活再掀關注 曾戀細49歲女友最轟動
謝賢遇網民主動邀合照獲讚超友善 撐枴杖出入欲做一舉動司機急阻止
86歲謝賢撐拐杖現身 謝霆鋒派人傍實老竇 一舉止打破中風傳聞
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
