60年代童星老公自爆因一喜好搞到老婆喊住等到夜深 自認傳統婚後淡出專心相夫
發佈時間：12:45 2024-02-18
在60年代以童星身份加入TVB、與沈殿霞、汪明荃及王愛明組成香港女團始組「四朵金花」而爆紅的張德蘭，在1988年與圈外男友楊偉誠結婚後，全面淡出香港娛樂圈。結婚36年的張德蘭與老公楊偉誠日前分享昔日的愛情故事，楊偉誠坦言︰「我一生做過最正確的事，就是娶了張德蘭這位好太太。」
相關閱讀：萬眾同心公益金2023丨62歲張德蘭演出中氣十足！轉行做中醫多年養顏有術依然貴氣
張德蘭分享與老公結婚恩愛秘訣：
現年63歲的張德蘭在1988年與圈外男友楊偉誠結婚後淡出了娛樂圈，直到近年才現身出席活動，日前楊偉誠博士（Frankie）和張德蘭接受車淑梅主持的電台節目訪問，談及二人的愛情故事，楊偉誠以「英雄救美」來形容二人相識的經過。原來當年楊偉誠準備大學入學試，發生了一件事，與張德蘭結下了不解緣！他說：「嗰陣我喺教堂附近嘅溫習室溫書，見一個女孩經過球場，有班飛仔想撩佢，突然英雄主義爆發，大喝一聲，將佢哋嚇走了。老婆後來問係咪故意安排！」直至楊偉誠到電視台任職助導，他們才再次相遇：「入職冇耐就係森森結婚退休之日，嗰陣《歡樂今宵》完結後喺三廠開咗一個歡送Party。我唔識跳舞，見到一個女仔好安靜咁坐喺度，之後開始同佢傾偈，傾到球場事件才有印象。」
經過今次重遇後，兩人一拍即合，自然地發展戀情。他們的拍拖路線很固定，就是由電視台步行到張德蘭位於廣播道的住所，唯一一次一同參加派對是因為梅艷芳，張德蘭憶述︰「我同阿梅小時候已認識，當年佢贏咗新秀冠軍，我好高興。有一次，佢話喺屋企開派對唱卡拉OK，請咗我哋去佢屋企跳舞。我哋雖然拍拖，但好少去夜街，見阿梅咁熱情，盛情難卻下咪出去。」 二人相識四年，拍拖七年才結婚，期間也曾遇到挑戰，其中最大壓力來自張德蘭的媽媽。楊偉誠坦言外母起初並不看好他，可亦因此成為了他發奮改變的動力：「當年外母畀咗我呢世人最大嘅鼓勵，我明白為人媽咪，總唔希望成咗名嘅女兒跟一個每月只有800元人工，而且仲係睇唔到發展前景嘅助理編導唔拍拖。於是楊偉誠咪轉行加咗保險業，不過同事朋輩起初都會覺得他是『張德蘭的男朋友』：「有位高人點醒我，鼓勵我加油，努力令張德蘭成為楊偉誠夫人！」
七公主賀情人節！
張德蘭自認傳統婚後選擇淡出娛樂圈
張德蘭婚後選擇淡出娛樂圈：「我係一個較傳統嘅女性，結咗婚就應該照顧家庭，若在喺娛樂圈工作就冇時間兼顧。Frankie鼓勵我多學習，後來我修讀成為註冊中醫，都係有賴佢嘅支持。」楊偉誠聞言也即時表示︰「我一生做過最正確嘅事，就係娶咗張德蘭呢位好太太。以前我鍾意打麻將，打到深夜回家，佢唔會責怪，只是含住淚等我，話有宵夜後就唔開心去瞓。一次兩次三次後，我忍唔住，漸漸將壞習慣戒掉。直到而家已經有20年冇打麻將。」 不過兩人結婚多年都未有小朋友，楊偉誠搶着回應：「全因為我，我太重視二人生活，亦都有太多喜好，未必有時間培育小朋友，現狀過得開心就唔想改變。」
其他文章：
張德蘭13歲組女團始組「四朵金花」 自認最歎成員當年只係做一樣嘢
盤點《歡樂今宵》元老！91歲潘迪華保持優雅計劃出書 《情花開》原唱移民再回流神隱多年
-----------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
