安德尊親解與「天敵」李錦聯不和傳言 自爆因一事「結怨」：我對佢ok
發佈時間：20:00 2024-02-21
人稱「大王」的安德尊主持了婦女節目多年，多年來除了與宋芝齡「情侶檔」形象深入民心外，還有一個世紀「天敵」李錦聯，當年兩人的「無敵鴛鴦剷」是節目經典畫面，亦因為這個火花，令安德尊和李錦聯的不和傳聞傳了多年。安德尊在今晚（21日）播出的清談節目《玲玲友情報》上，借機解開多年不和傳言！
相關文章：宋芝齡「家暴」安德尊？因一件貼身物出手掌摑 下場超慘反被打到紅腫
安德尊同李錦聯不和講足幾十年？
由堪輿學家麥玲玲主持《玲玲友情報》今晚（21日）在J2（82台）播映，這一集主題為「好人唔係咁樣做」，嘉賓是人稱「大王」的安德尊，麥玲玲在節目中提到當年是曾勵珍（珍姐）拉攏二人認識︰「嗰時書展出書，自己啱啱出道無人識又無錢，好多嘢都係打心口。已經搵咗家燕姐同記者嚟，仲爭個司儀，珍姐介紹我搵安德尊。」殊不知記者會後，安德尊分文不收便離開︰「我塞極利是畀佢都唔要，仲掉返畀我，呢份恩情我好記得。」其後麥玲玲亦重提大王多年前的一位「天敵」，當時二人合作下午節目一個煮食環節，當事人呼之欲出，她說︰「以前見佢哋做節目會不斷有『火花』，好想知佢哋私下係點。」
安德尊駁嘴激嬲李家鼎？
安德尊借機解開多年不和傳言，認真的說︰「平時我哋相處嘅模式，都好似節目咁，其實我對佢okay㗎。」但被問到雙方關係時，能言善道的大王一時語塞，接住解釋︰「我同你講點解，因為我成日干涉佢嘅生活，佢成日飲酒，我勸佢『你唔好再飲啦，又傷身，又會騷擾到側邊其他人』，由頭到尾就係唔准飲酒。」有指兩人不和的原因，是安德尊在2009年主持《都市閒情》的《今晚食乜餸》上，經常與李錦聯合作，當時因李錦聯過份整理儀容惹安德尊不滿並出言譏諷，試過當眾踢爆李錦聯割雙眼皮，搞到李錦聯十分尷尬，到了2011年更傳發生肢體衝突，遭無綫電視高層「照肺」，有一段時間未有再於烹飪環節中合作，李錦聯離開TVB後，曾讚過安德尊為人很好好，只不過太霸道，經常獨霸所有工作，又爆安德尊很關心他的健康，經常勸自己不要成日飲酒！
其他文章：
宋芝齡安德尊終「開花結果」拜堂成親？ 收長輩order要日日夜夜密密做
流行都市｜安德尊煩膠駁嘴惹緋聞女友宋芝齡發火 李家鼎高EQ面對獲讚好修養
----------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
