張致恒兒子確診自閉及過度活躍症 老婆雯雯連番放負終醒覺：生活平凡安穩就足夠
發佈時間：13:00 2024-02-27
一度負評纏身的吳浩康轉做「職安真漢子」，身兼數職養妻活兒後，昔日負面形象出現扭轉，令演藝事業漸有起色，連帶其好友張致恒的家庭生活再受被評擊，今日（27日）凌晨時份，雯雯於IG限時動態發黑底白字長文，談到兩公婆不能出外工作的原因，因其中一個兒子確診自閉兼過度活躍症。
相關閱讀：吳浩康呼籲張致恒做地盤！勸張太唔好搞個老公 雯雯嬲爆反擊：唔需要人認同
雯雯自爆兒子確診自閉兼過度活躍症 ：
雯雯踏入2024年連番發生不幸事件
張致恒老婆雯雯今日（27日）凌晨時份於IG限時動態發黑底白字長文，分享踏入2024年只不過兩個月，已經發生了不幸事件，她說：「一開始就已經好不幸，有最錫我嘅親人不幸患上癌症，再有兩個狗狗痾血，心臟+肝+胰臟炎；再有一個仔確診autism plus hyperactivity（自閉兼過度活躍症），坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」
雯雯感激老公努力學習照顧兒子
雯雯續說：「最近仔先跌爆咗隻耳仔，醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡。」雯雯坦言在2023年壓力接近爆煲：「雖然我個心裏面確確實實係想離婚，亦都不斷爆出唔同嘅情緒（不斷流出大家所謂嘅笑），連我自己都覺得我自己有精神有問題，經常性會出現一個惡魔叫我帶埋小朋友離開呢個世界就可以得到解脱。」她還說：「發生咁多事。好現實，咁話畀自己知，兩夫妻已經唔係兩個人嘅事，要照顧好佢哋一定要兩個齊心，冇咗是但一個根本係冇可能做到，呢段時間我好多謝stevencheung 都不斷學習點樣照顧好啲仔，亦都實實在在多謝你同我一齊面對全世界嘅責罵（話我哋只係識借錢，又唔自己出去做嘢），當中嘅難處，只要我哋先會明白。」
吳浩康被張致恒老婆出PO反擊？
雯雯望順利等到外傭姐姐返工
雯雯還說目前唯一共識是做多兩份工，請一個姐姐去幫手，才可以令其中一個完完全全抽身出去賺錢：「大前提係要姐姐實實在在到咗，我哋先可以出到呢個門口工作，好慶幸仲有唔夠兩個月時間，姐姐嚟到我哋就可以重生。終於可以靠自己唔需要再求別人嘅幫助，咁難先行到呢一步，呢兩個月我哋又係咪真係可以咁好彩度過到？只要堅持唔放棄，就真係可以過到？」雯雯續說：「好攰，每日都真係好攰，我相信先苦後甜，呢一刻叫我做啲乜嘢犠牲啲，乜嘢我都願意，如果可以換來將來可以有安穩嘅生活，其實犧牲自己又有咩所謂。既然咁難先可以行到姐姐差唔多嚟呢一步，上天可唔可以俾機會我哋過埋呢一兩個月?」最後雯雯說：「發生咗狗狗嘅事，亦都令我醒覺，其實生活静静地平凡安穩就足夠，自己嘅情緒自己知道就足夠，如果能夠過到呢兩個月，我希望同自己嘅家人能夠搵一個地方静静地度過，遠離呢個公開又複雜嘅地方。」
其他文章：
張致恒雯雯出搲銀新招一個月急煞停！收月費388講性史床事 一原因終止合作
張致恒疑似與債主對話流出！揭一原因辭去性商品店工作惹網民狂轟
雯雯新年又狂數老公張致恒！談離婚狀況再爆Seed：個個淨係識話我發癲
---------------------------------------------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
