獎老「阿七」吳嘉儀疑連環公審惹禍急刪Po！呻有人態度差零尊重 曾力數老公鬧婚變
發佈時間：21:30 2024-02-29
《開心無敵獎門人》中擔當「獎老」的吳嘉儀（阿七），去年8月嫁給圈外男友「豬仔」Leo，未料新婚4個月便疑似鬧婚變，繼兩個多月前於IG Story力數老公多宗罪後，今日（29日）她再出Po公審有人態度差！
相關閱讀：本尊就位丨吳嘉儀阿七跟鄭啟泰未婚妻是老友 球迷謝東閔未見美斯落場好失望
阿七吳嘉儀再度出Po公審：
話說去年12月初阿七吳嘉儀突然連環出Po，爆Seed狂轟老公Leo斤斤計較兼品德有問題，日日遭受言語暴力之餘，還被改大門密碼搞到無家可歸：「唔好講幸福喇，連抖啖氣都有困難！」及後現身《歡樂滿東華2023》受訪時，她承認生活上的瑣碎事與老公有拗撬，因一粒士多啤梨引發事件，更一度激動爆喊︰「不想被大家覺得我是『離婚KOL』。」並謂會找專業人士幫忙，加強夫妻間的溝通。直到上月初，阿七吳嘉儀貼出兩公婆夜遊廟街的影片，力證積極以行動化解婚姻危機。
阿七吳嘉儀被「放飛機」
不過事隔一個多月，阿七吳嘉儀今日又於IG Story撰長文發牢騷：「而家啲後生同事（希望係個別啦），啲態度、禮貌…？你叫人工作啲語氣好似命令咁，我好有禮貌喺Whatsapp問佢詳情已讀不回。到我再主動搵佢確認時間，佢話原來明天唔需要我，改期。當初搵我（應承）做嘢咁有禮貌，而家我答應咗，髮都染埋等你約，就咁嘅態度。我做唔做都冇所謂㗎，工作嘅嘢睇意義、睇互相尊重，唔係睇你幾個Shows，你都可以搵過另一位Cast。」
阿七吳嘉儀更多靚相：
原來今次「箭靶」並非老公Leo，疑似是TVB的幕後同事，阿七吳嘉儀更Hashtag給予貼士，指當事人「非綜藝同事」。翻查資料，阿七吳嘉儀早前忙為《本尊就位》宣傳，現時正拍攝TVB節目《搶食著數特攻隊》，近日亦為有份演出的新劇《再見枕邊人》宣傳活動擔任司儀。未幾，她再發文：「呻完。做人做事有時都係唔好太認真喇，心底裏知咩事就算，或係直接將個名寫落小器簿，（刪去佢個名）又開心返。#大家互尊咪好好哋囉 #按章回覆」惟未知是否「公審」出禍，兩個帖文曝光數小時便火速刪走。
其他文章：
「獎老」阿七吳嘉儀終夫妻和好如初！低胸炮製燭光晚餐 曾力數老公新婚險離婚
「獎老」阿七吳嘉儀鬧婚變後夫妻首同框 疑因一轉捩點積極修補關係
「獎老」阿七吳嘉儀疑鬧婚變故作堅強 喪出Po發放正能量一句話揭心情差
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
