麥明詩認婚訊後首現身！籌備婚禮做足九成大壓力認趕生B結婚 自爆一原因揀盛勁為
發佈時間：14:35 2024-03-01
「十優港姐」麥明詩（Louisa）與機師男友盛勁為在社交平台公布求婚畫面，並將於3月底在香港舉行婚禮。麥明詩今日（1日）出席日本美妝活動，為公布婚訊後，首度出席公開活動。
相關閱讀：麥明詩與未婚夫疑於澳洲註冊結婚被捕獲 細節證盛勁為是「跟得丈夫」
麥明詩不介意被指恨嫁？
身穿白色Tube Dress現身的麥明詩，對於婚禮在即，她笑言要全力保持最佳狀態，但始終壓力大，所以想方法鬆弛心情，亦勤力做健身運動，更透露處理婚禮事宜九成由她負責，因為圈中朋友多，自己較為熟悉如何安排，另外一成則由未婚夫負責叫自己的家人及朋友參與。她說：「佢好配合我，我負責做，佢就負責同意。有唔少朋友喺籌備過程中有好多意見，我哋絕對冇呢個情況，佢叫我唔好咁大壓力Hea啲囉！」
麥明詩到澳洲影婚紗相
談到由她還是盛勁為主動求婚，麥明詩笑指對方為人無所謂，早前提議在澳洲拍結婚照，未婚夫亦爽快答好，更否認自己心急結婚。她說：「我只係怕麻煩！唔想件事迂迴曲折，細節程序唔太拘謹，只想將繁複事情縮短。」提到未婚夫揚言想多生B，麥明詩坦言也想生多個BB，但要視乎身體狀況。她說：「我覺得生小朋友唔好得一個，都想有個伴，好似我照顧媽媽咁有哥哥一齊同心協力。」
麥明詩與盛勁為於澳洲註冊？
麥明詩愛盛勁為夠積極樂觀
問到可介意被指恨嫁，麥明詩坦言香港大部分女生想結婚多過男生，又指自己沒所謂，也很合理，因為女性生理因素有局限。問到是否想趕生B而結婚？她說：「呢個係部分因素，最緊要結果達到，如果我係男生都未必想結婚住，自己唔怕醜！我都覺得佢鍾意我嘅。（提出結婚到而家由你主動？）唔係！係雙向。（你喜歡未婚夫甚麼？）我喺佢低谷時期同佢比較Close，但見到佢好積極同樂觀心態去改善生活，因為未來生活好多難關，我相信佢會同我一齊解決呢個難關。」
麥明詩主動求婚片段逐格睇：
其他文章：
36歲麥明詩傳與盛勁為結婚！攝影師曝光婚紗照洩密 被稱「新娘子」
麥明詩結婚丨送名錶主動出擊！定價21萬元起跳 待嫁新娘講求婚心聲：真係唔容易
麥明詩結婚丨自認「郎貌女才」盛勁為不介意被叫麥生！準外母8字真言祝福女兒
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
