前TVB「億萬富婆」分享買樓致富秘笈一對仔女都係學霸醫學成就超高

更新時間：13:05 2024-03-03
發佈時間：13:05 2024-03-03

「億萬富婆」陳曼娜（Manna）有份參與的MakerVille原創劇《飛黃騰達》正在熱播中，72歲的陳曼娜保養得宜，在鏡頭前依然一貫昔日貴氣，今次陳曼娜在劇中飾演炒股女富豪，在現實生活中，投資有道的陳曼娜身家早已過億，兒子Allen畢業於名校史丹福及哈佛，是美國專責心臟移植外科醫生，女兒Joie是牙科博士，實在令不少人羨慕又妒忌！

「億萬富婆」陳曼娜分享投資心得？

陳曼娜豪宅飽覽無敵維港靚景

陳曼娜現時居住於紅磡逾2,500呎海景豪宅，她不時宴請朋友到家中作客，有不少朋友都被景觀吸引，紛紛打卡放上社交平台，屋內間格闊落，飯廳擺了一張大圓枱，10多人齊齊食飯都沒有問題，最吸晴的當然是飯廳的落地大玻璃，飽覽無敵維港靚景。陳曼娜日前接受傳媒訪問，她坦言這間海景豪宅是心目中的Dream house，為了買得心頭好，陳曼娜可謂用盡心思：「我好想買間屋對住海，嗰陣幢樓起到咁上下，叫經紀帶我上去睇，仲係同個仔坐啲地盤『「籠𨋢』上去，睇下邊層靚啲跟住就買。」

陳曼娜20歲首次置業

因為在單親家庭長大，陳曼娜表示年輕已懂得積穀防饑，20歲的時候首次置業，第一層樓是送給媽媽，陳曼娜目前手頭上有不少物業，大部份都是十多或二十年前買下，原動力是來自一對仔女：「我嘅婚姻係失敗嘅，覺得對自己一對仔女好虧欠，所以想喺其他地方做好啲，特別係供書教學。」

陳曼娜稱因為黃百鳴爸爸的關係，令她對股票有興趣，多年來在投資股票、物業下了不少苦功，陳曼娜試過每天都去股票行，由開市坐到收市，笑言拍戲都未有這樣勤力：「真係日日落去交學費，我係信經驗，其他乜嘢分析圖表我唔識嘅，不過其實好難喺股票賺錢，打和你已偷笑、我就見好就收，唔會『磨爛蓆』。」

陳曼娜等跌市出手

不過陳曼娜反而對投資物業信心，因為她勤力亦是審慎、長綫的投資者，買樓專等跌市時出手，當年買樓全港所有樓盤都去過，陳曼娜亦有分享投心得：「我買完唔會話賺少少就放，我會租俾人先，我仲唔會租畀有錢人，佢話有錢但唔交租，你點追佢呀？好多租霸㗎，我有啲租客住咗十幾年，由拍拖到結婚到生小朋友再搬走，大家都係好朋友。」

陳曼娜豪宅好奢華？

陳曼娜人生最大成就是一對仔女

不過陳曼娜覺得人生最大成就是有對好生性的仔女：「大仔係UCLA、史丹福同耶魯大學畢業，而家喺美國做移植心臟主管，阿女就係耶魯大學牙醫博士，佢兩個好生性，我其實真係冇教過佢哋，係佢哋自己嘅努力得到今日嘅成就，佢兩個令我非常自豪。」陳曼娜曾表示30多前去了做矯視手術，殊不知手術失敗，視力只剩下一半，對她打擊極大，幸好醫學昌明，陳曼娜終於有曙光，將用最新科技將隱形眼鏡導入眼入面，陳曼娜笑言「可以再睇得到靚仔啦」。雖然她近年減少在幕前的演出，湊孫為樂兼享受人生，不過遇到合適的劇本，依然會答允演出。

其他文章：

細數12位明年70歲藝人！林青霞凍齡功力竟輸落選港姐呢位國際巨星即將奔七

陳曼娜71歲壽宴黃淑儀久未露面圓潤現身億萬富婆朋友圈原來有呢幾位

頭條獨家丨陳曼娜赴美探醫生兒子豪華別墅曝光睇準機會入市：我鍾意做收租婆

--------------------------------------------------------------------

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j

其他文章：

陳曼娜受眼疾困擾視力得返一半身家豐厚最愛大宴親朋豪宅飽覽維港靚景

細數12位明年70歲藝人！林青霞凍齡功力竟輸落選港姐呢位國際巨星即將奔七