姜大衛罕談狄龍不和傳言 與李琳琳結婚50年鰜鰈情深：係唔可以分開
發佈時間：21:30 2024-03-10
縱橫影視圈逾60年的姜大衛（John哥）與太太李琳琳結婚半世紀，育有兩女一子，今年5月是姜大衛和李琳琳結婚50周年，當年姜大衛在事業高峰時，無懼世俗眼光，與李琳琳在1974年奉女成婚，多年來鰜鰈情深，實在不少人羨慕，姜大衛直言：「我哋而家兩個人，唔可以缺少和冇咗對方。」
相關閱讀：姜大衛爾冬陞三代同堂新春團拜！獨欠大哥秦沛？ 超強演藝世家大獎數之不盡
姜大衛李琳琳戀愛很前衛：
姜大衛自認反叛不理世俗眼光
以童星身分入行的姜大衛，1966年加入邵氏兄弟後，在大導演張徹賞識下，成《游俠兒》的男主角，到了23歲的時候，姜大衛更憑武俠電影《報仇》獲得《亞洲影展》「最佳男主角」，成為該影展最年輕的影帝外，更是香港首位獲得該獎項的影星！不過姜大衛當時作出驚人舉動，在事業達至高峰時，無懼世俗眼光，於1974年與李琳琳奉女成婚，而且結婚當日更加「潮爆」，兩人均沒有穿上傳統婚紗，以休閒look簽紙行禮，當時成為一時佳話。姜大衛近日接受傳媒訪問，他直言當時自己是反叛的人，想做就去做，何況太太又有了BB，更加不會理會。今年520是兩人結婚50周年，姜大衛笑言並非刻意：「只不過係咁啱排期排到，我哋而家兩個人，唔可以缺少和冇咗對方，點解我唔知，總之我哋兩個人係唔可以分開。」
姜大衛與太太李琳琳不可以失去對方
姜大衛曾說過，太太李琳琳對他的事業有很大幫助，相夫教子令他輕鬆不少，不過在2011年，李琳琳患上大腸癌三期，癌細胞擴散至淋巴，姜大衛為了照顧患病的太太而全面停工，經歷過後，夫婦感情親密更勝從前，不過回想當日，姜大衛坦言當刻心情晴天霹靂：「嗰陣只可以擔心，我哋又唔識做乜嘢，好彩醫生幫佢割咗腫瘤。不過化療係好辛苦，每次化療完喺醫院出嚟，唔食得、唔瞓得，係好攰，但啱啱精神返又要去了，好彩佢都捱過咗。」太太抗癌成功後，姜大衛依然未有鬆懈，只要太太有少少不舒服都會非常擔心。姜大衛直言與太太都明白始終都會有「走」的一日，不過他們覺得活在當下，最重要的是現在不可以失去對方：「但萬一冇咗對方，你都要生存落去，呢樣我哋已經好清楚。」
秦沛姜大衛爾冬陞三兄弟家族強大！
姜大衛罕談與狄龍關係決裂
另一方面，坊間多年來盛傳姜大衛和狄龍關係決裂，從「狄不離姜、姜不離狄」的說法，演變成二人在1975年拍攝《傾國傾城》時因戲份問題而埋下心結，甚至又傳過曾在片場大打出手，對於與狄龍的關係，姜大衛只說了三個字：「道不同，我哋冇打交、冇嗌交、冇同對方講乜嘢，乜都冇，呢啲都係傳言，只不過大家長大之後，睇法同諗法都唔一樣，大家各行各路啫。不過有啲場合都會見到，見到面打招呼。」姜大衛還說：「老實講，大家再合作嘅機會就好微，以前所講嘅大家道不同，或者大家諗法唔同，呢啲而家唔需要再諗，使唔使再合作呢？亦都唔需要去再諗，大家都幾廿歲人，都唔知幾時走，唔需要再去諗呢啲嘢。」
其他文章：
秦沛78歲生日滿頭白髮笑容溫馨又慈祥 囡囡姜麗文狂貼經典meme圖賀壽
姜麗文晒「姜氏家族」團年合照勁大陣仗 曹永廉15歲兒子暴風式成長好靚仔
盤點演藝世家！秦沛姜大衞爾冬陞三代從影 林珊珊林海峰原來有個影帝舅父
-------------------------------------------
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
