混血女星再婚1個月火速懷孕！成高齡產婦嘔到反艇：未接受到做媽咪
發佈時間：13:30 2024-03-15
填詞人兼唱作人陳詠謙前妻、Netflix原創劇《向西聞記》的37歲混血女星陳意嵐（Tarah），上月趁情人節在社交網宣布再婚消息，未料一個月便火速公布懷孕喜訊，昨晚（14日）兩公婆於IG貼出BB超聲波照，並分別撰長文放閃。
相關閱讀：陳詠謙前妻陳意嵐突爆再婚 直言經營婚姻不容易感謝新婚老公努力成長
陳詠謙前妻陳意嵐懷孕：
陳意嵐老公趁昨日白色情人節，率先在社交網公開愛的表白，坦言對方實在太優秀，自己及不少人都經常問陳意嵐為何挑選他作終身伴侶：「多謝你愛我，多謝你相信我，多謝你重視我，多謝你欣賞我，多謝你心裏有我，多謝你令我重拾信心，多謝你令我更有自信……好幸運可以遇到你，一個夢寐以求，共同興趣甚多嘅伴侶，上山下海，養寵物，一齊傻一齊癲一齊X，想法都基本一致嘅人，真係難遇過粉紅色X頭。」
陳意嵐老公自嘲靚仔但一無是處
陳意嵐老公續自嘲，除了靚仔之外，無論說話或做事都唔叻，甚至脾氣欠佳又多壞習慣，可謂一無是處，但他正努力去改變及創造，「當中好困難好痛苦，但為咗你，我需要成為更好更強，多謝你無條件去愛。老婆，我愛你，未來更加需要多多指教，今年之後，就會有多個2.0出嚟激你，希望你頂得住啦。呢十個月，辛苦你喇。」
陳詠謙再婚8年成為爸爸：
隨後陳意嵐回覆，直言一切來得太快，這個月看到腹部逐漸長大，仍未太接受到即將成為媽咪：「上年我哋嘈幾時開始唔雙重避孕，傾停藥，唔用套，達成共識話唔要金牛座BB個Story，又驚萬一早產，要計埋過晒先開始備孕，好似只係剛剛發生咁。天真以為～十月開始避孕，會有多少少時間，心理同生理上準備好自己，以為最快都要試番一年半載先中…點知～好心急驚我高齡產婦危險嘅你，第一次就成功咗。都未太消化到做人老婆嘅我，咁快2024就要做埋媽咪？！」
陳意嵐自爆預產期今年夏天
陳意嵐透露，小龍女「Tarah 2.0」預產期為夏天，她呷醋稱，已預視明年情人節老公會抱住「前世情人」度過：「咁快就有個最強情敵，無咗個老公喇，所以我宣布！！要好好歎埋呢幾個月！！謝謝你，急促成長，謝謝你，過去幾個月嘅照顧，心靈嘅支持。高齡真係多好多變數，嚇咗幾次，好彩暫時一切安好。喺我嘔到反艇，只可瞓床返唔到工嘅日子，辛苦你要撐起所有，努力搵錢，收工又要照顧我，一個又一個難眠嘅晚上，用最多嘅愛陪我走過。」但她補充，目前身體已回復穩定狀況，精神不俗亦好胃口，更可返工兼岀門見家人朋友。
陳意嵐證沒嫁錯人感激老公寵愛
看到老公努力成為更好的自己，給予依靠做個好老公好爸爸，陳意嵐自言證明沒嫁錯人，沒做錯這個「賭命」的決定，雖然既有壓力又困難重重，但因為有對方扶持，令她相信一切都值得，陳意嵐說：「除咗老公瘋狂寵壞我，謝謝身邊嘅人，屋企人，老闆娘同好姊妹，同知道嘅朋友，過去呢段時間嘅體諒同照顧，個個都當我貼咗『小心輕放』咁，感恩。雖然生活艱難，但有你哋，真係好甜好温暖，一切都會越嚟越好㗎。」
其他文章：
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
