樂基兒長居印尼返香港開工等囝囝來港過復活節：一見到我會好黐身

更新時間：21:20 2024-03-19
發佈時間：21:20 2024-03-19

樂基兒今日（19日）亮相BVLGARI發布會，現居於印尼的樂基兒表示今次來港有幾個活動要出席，會逗留到4月份，兒子復活節就會來港與她歡渡佳節，笑言：「囝囝大個咗，都知道要做嘢，所以要分開都明白，但一見到我會攬實好黐身。」

樂基兒早前與周汶琦、馬詩慧、琦琦等為雜誌影封面，她表示跟多年前模特兒朋友合作好開心，大家以前經常一齊行騷同成長。問到一齊時會否談及仔女？她笑言好多朋友仔女已長大，琦琦女兒都做埋模特兒，她的兒子就沒有表演慾，反而喜愛運動，例如打籃球、滑浪及游泳等。

蔡思韵撇低男友旅行食到肥

近期與台灣爆紅的劉俊謙今日與女友蔡思韵亦同場出席BVLGARI發布會，不過兩人分開現身、受訪。見蔡思韵身形變肥，她透露早前與朋友到日本滑雪，可能玩得太開心、食得多而變肥，但不知肥了幾多，不過男友劉俊謙就未有同行：「今次係我第一次滑雪，仲以為會跌得好甘，原來無想像中咁嚴重，我愛上滑雪，已經預計下一個雪季去滑雪，呢次會帶埋劉俊謙去，做教練教佢滑雪，雖然佢唔識，但佢讀體藝學院係泳隊，好有運動天份！」

談到上圍可有因變肥而升cup？蔡思韵笑指自己通常塊面肥先，與男友日日見面不覺她肥，若然有問題，男友會跟她說，亦不介意男友講真說話，又認為兩個人相處要坦誠。談到情侶檔開工是否特別甜蜜？她笑言今日各自忙為品牌影相，沒有機會交流，又指休息到5月拍新戲，稍後出埠工作兼旅行，首先到羅馬工作，其後到英國探朋友，此行男友亦無份同行，她說：「好享受同朋友一齊去旅行，好享受自己時光，但絕對唔係有異性無人性。」