前索爆組合成員自爆被陳冠希追求 本身有型男伴侶 承認少少鍾意對方
發佈時間：19:30 2024-03-23
現年44歲的黃婉君（Rosanne）在大馬出生、新加坡成長，2002年與胞妹黃婉佩（Race）來港組成二人女子組合2R出道，於千禧年代曾風靡一時囊括多個新人獎。闊別樂壇18年，黃婉君獲家人鼓勵推出首支個人單曲《帥起來》，並接受雷霆881商業一台《星光背後》專訪，親解2R當年解散之謎，並開腔回應當年與陳冠希及安志杰關係、以及分享胞妹黃婉佩近況。
相關閱讀：Rosanne@2R公開兩子近照大個仔獲讚勁帥氣！露靦腆微笑拆禮物電暈網民
Rosanne黃婉君自爆與陳冠希關係？
外間一直感覺因黃婉佩在2005年先結婚，才導致2R於2007年解散，但黃婉君在節目中親解當年解散原因：「當時已換咗第3、4個經理人，咁我又差唔多30歲，因為爹哋話女人30歲要結婚，35歲前要生B，我哋計吓時間，如果再搵新經理人再出碟，就好難喺35歲前生BB，當我仲諗緊嘅時候，咁啱我老公求婚，咁唔使我決定！」黃婉君透露與混血丈夫Derek很早訂下婚約，待他在英國修畢牙醫碩士課程後，二人於2009年12月成婚。換言之，2R解散的成因，反而是黃婉君自己，「因為家姐時間到了，阿妹仲細個，佢比我細3年。」
Rosanne出道前已發展地下情
對於2R解散一事，黃婉君表示從沒問過妹妹的感受：「喺我結婚之後，阿妹就去讀金融，之後先返新加坡。」黃婉君更自爆2R未出道已與丈夫在一次聚會認識，2009年結婚前已相戀8年，她承認當年一直譜地下情：「當時唔准拍拖，連公司都唔知！嗰陣我仲未開始我嘅事業，我先生仲喺香港大學讀緊牙醫。 」
2R家庭相：
2R出道成名後，黃婉君先後傳過跟兩大圈中型男陳冠希及安志杰拍拖，當年跟陳冠希傳緋聞時，更有歌迷集體寫信到黃婉君所屬的環球唱片投訴，聲言要脫粉，她回應當年兩段緋聞時說：「大家係朋友，因為當時我都同緊我先生拍緊拖。」當主持直接問曾否被二人追求過，她坦言：「我唔可以講無，大家好似都有少少鍾意，但最後成為咗朋友。」
黃婉君婚後三年抱兩，其實一切都是計劃之內，「爹哋想我哋喺35歲前生完B，咁我真係30歲結婚，33歲就生完，可能係不知不覺俾我爹哋媽咪洗咗腦，佢哋話唔可以一世做娛樂圈！」談及婚後生活，黃婉君指一直幸福開心：「我係求主想要兩個BB仔，冇諗過要生女，因為以前我哋三姊妹，自細睇住爹哋媽咪點樣擔心我哋。」
有意與Race復出合唱
黃婉君亦於節目上分享妹妹黃婉佩近況：「呢幾年妹妹進修咗好多，佢進修Master同地產嘅嘢，努力得非常辛苦，因為佢自己做老闆係唔簡單 ！我覺得好驕傲，尤其是佢嫁得好，佢先生年紀比佢大啲，好錫佢，當佢好似公主咁，佢係好幸福 ！」不過，黃婉君亦承認當年解散不曾跟歌迷交代，自覺愧對支持2R的粉絲，出完單曲後，亦有計劃繼續自資出歌，甚至與妹妹復出合唱，答謝2R的歌迷。
其他文章：
Race@2R一家四口豪宅慶祝結婚七周年 獨立屋市值逾1億港元有3000呎大花園
Race@2R億元豪宅內貌首曝光 設豪華影院桌球室變最強遊樂場
2R黃婉佩為6歲囡囡體驗公主生活 穿禮服坐馬車遊城堡奢華又夢幻
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
