家燕姐74歲生日願望香港經濟復甦 好恨兩個女快啲嫁讚王梓軒勤力又有禮
發佈時間：18:45 2024-03-26
本月30日是薛家燕的74歲生日，新城廣播董事總經理宋文禧、新城廣播首席營運總監馬浚偉、創作總監及節目主持葉文輝(啤梨）等人，今日（26日）齊齊為薛家燕送上蛋糕和鮮花，為她舉行生日會。最搞笑新城送上一手好牌四隻『J』畀家燕姐，其中三張印有家燕的子女樣子，但有一張『J』寫住問號，馬仔即問是否Jonathan （王梓軒）？家燕姐聞言猶疑一下，便說：「孫仔Julian呀！」馬仔又爆新城高層會將利是錢同人工過數給家燕姐，相當搞笑。
對於可會舉辦大型生日會，家燕姐坦言今年太忙要飛來飛去，所以建議新城電台不如5月5日舉辦，可以生日兼母親節一次過慶祝。她說：「嚟緊我要到澳門為工展會做推廣大使，之後一家人去首爾旅行幾日。（男友同行？）我唔知邊個喎！」談到生日願望，家燕姐坦言希望天下太平，香港經濟復甦，大家生活安定、身體健康，並謂無論三歲至八十歲粉絲也想邀請她出席活動，工作亦排到11月，更揚言不會退休。她說：「我好鍾意唱歌、跳舞、講嘢！聽有人話加薪，畀埋錢我嚟講嘢喎！」問到可想兩個囡囡快嫁人，家燕姐語重心長面對鏡頭跟囡囡表示：「我知道你哋好有分吋，但你哋嘅分吋去到邊呢？」問到大女珊珊的男友是否王梓軒，家燕姐笑言不知，只要是囡囡喜歡的人，約她出來吃飯便可。當指王梓軒人品很好，家燕姐大讚對方很勤力又有禮貌，最近忙於舞台劇，但不知囡囡與王梓軒是否真的拍拖。當記者笑她連男友也不知，家燕姐即笑說：「我個樣後生，但我個腦有啲懵懂。」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
