視帝索妻晒性感照怕被鬧？透視上衣不及下身大窿搶鏡靠兩繩箍緊防美臀走光

更新時間：12:00 2024-03-27
發佈時間：12:00 2024-03-27

視帝鄭嘉穎的港姐索妻陳凱琳向來不吝惜晒好身材，日前陳凱琳到澳門出席酒店開幕活動，當晚她穿得網紋背心透粉紅Bra非常性感，不過原來當日她下身亦非常性感，昨晚（26日）陳凱琳於IG晒出多張當日的打扮照，近鏡可見她褲子兩側臀邊有穿窿設計，非常性感。

陳凱琳晒性感照怕老公鬧？

陳凱琳昨晚於IG連晒多張性感照，她留言指：「希望咁樣著唔會俾人話啦…」陳凱琳的近鏡照更見性感打扮的細節，除了上身露腰晒出馬甲線，下身近臀部的穿窿設計更是非常火辣！可見她大腿與近臀部位置只靠兩繩箍緊，以防有空隙導致走光。

陳凱琳太性感曾惹鄭嘉穎微言

陳凱琳於IG留言：「希望咁樣著唔會俾人話啦…」被不少網民估計是怕老公鄭嘉穎有微言。其實陳凱琳過去也曾晒出性感照，引來老公鄭嘉穎質問。1月時，陳凱琳於IG晒出穿上火紅連身裙的照片，側身見鏤空設計，由側胸露到臀部，疑似真空上陣。陳凱琳當時分享鄭嘉穎見到她穿上這條裙出活動，即有疑問：「佢問我點解咁性感。」陳凱琳隨即轉移話題，又獲老公大讚她穿的波鞋很好看。這次陳凱琳又性感出活動，網民都留言指：「除左你老公應該無人會話你。」不過亦有網民認真留言點評陳凱琳的最新衣着照：「To be honest 第一張唔靚，第五張好靚」、「唔好睇，似某職業嘅衫，其實你個樣比較適合grand 嘅衫」。