星8卦｜「甜甜」單親影響專撬人哋老公博白頭到老

更新時間：11:30 2024-04-02 HKT
發佈時間：11:30 2024-04-02 HKT

「甜甜」都過半百，但依然孤單一人，論樣貌種種，佢真係keep得好好，絕對係有市場價值，呢個世界，唔同歲數有唔同客路嘛！但熟悉「甜甜」嘅都話佢抵死，喺最有貨賣嘅時候，專勾人哋老公，不過次次又唔可以順利上位，最終係兩面不是人。

佢最賤格係撬自己經理人嘅老公，當然一條鎖匙敲唔響，經理人一直照顧得佢好好，見佢一個女人仔冇乜人幫，真係掏心掏肺咁出力。點知有次俾經理人閨蜜撞到正，仲喺紅綠燈見到老公車住「甜甜」兩個人鬼咁煙韌，通風報訊之後一齊去捉姦，結果斷正。「甜甜」奇在俾人踢爆之後就即刻唔同人哋嘅男友或者老公再來往，佢話因為無咗偷偷摸摸嘅刺激，所以覺得唔好玩，佢唔係諗住負責任，只係覺得試吓啲男人嘅定力，俾自己勾引得嘅都唔係好人。

呢啲歪理可能嚟自佢單親家庭啩，自細阿媽跟佬走，同老竇相依為命，覺得阿媽唔啱，但又唔覺意咁扮演咗呢種角色。「甜甜」到而家都仲係好活躍，不過搞嘅對象都上晒年紀，話希望有一日啲男人會同自己白頭到老，上咗年紀會認真啲，希望佢真係老有所依啦！

星8卦｜「假人」恨出頭靠合照亂放消息自抬身價犯眾憎

星8卦｜「高型」介意「勁姐」過去搞男女關係影響感情

星8卦｜「純純」嫁入豪門以為執到「少爺」出軌收厚禮另類贏家

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ