星8卦｜「好命」獨力養家幾億身家再嫁低調扮窮做大贏家

更新時間：10:50 2024-04-05 HKT
發佈時間：10:50 2024-04-05 HKT

女人為咗終生事業，即係搵個好老公，真係點都要用啲心計。「好命」而家真係幾風光，但後生俾「前夫」恰到好似妹仔咁，帶住一仔一女靠自己養。好彩期間佢都有唔少被包養嘅機會，「好命」叻在表面扮勤力，好鍾意返工，但搵得幾多吓，知道行情嘅人就明白，佢真正嘅錢嚟自定期唔同嘅老細，有啲男人係鍾意呢種事業型但又特別溫柔體貼嘅類型。

「好命」一收到大筆錢就即刻做投資，最叻係乜樓都買，呢幾十年地產市道勁，佢即刻賣出買入，多多少少都存咗幾億現金。咁啱有個「專才」對佢生滋貓入眼，「好命」覺得係時候埋街食井水，睇清楚「專才」嘅背景，同自己一樣有仔有女，佢就喺小朋友身上埋身，搞到啲細路唔再同親生阿媽親近，「專才」又覺得佢好大愛同無私。

其實「好命」要自己下半生做幸福女人，所以連自己嘅細路都送晒去外國，好彩身邊有個錢夠仔女用，咪專心為「專才」付出，始終係圈外人易氹又簡單，「好命」極速嫁畀「專才」，仲做埋最成功後媽。「好命」醒在唔俾老公知自己有幾多身家，「專才」咪博老命供養，聰明女人抵佢哋有好下場！

星8卦｜「甜甜」單親影響專撬人哋老公博白頭到老

星8卦｜「假人」恨出頭靠合照亂放消息自抬身價犯眾憎

星8卦｜「高型」介意「勁姐」過去搞男女關係影響感情

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ