鄧兆尊三奶通靈驚遇祥哥！詳述「見家長」經過：係個老坑，好矮冇乜頭髮
發佈時間：20:30 2024-04-07
因同時與3位女友交往享齊人之福而被封為「現代韋小寶」的鄧兆尊，自爆出與第「三奶」Claire和平分手，其後極速戀上新歡陳妙慧（Nana）！ 鄧兆尊曾經在訪問表示，「三奶」陳小姐有不少靈異經歷，昨晚（6日）鄧兆尊到新城接受潘紹聰主持的《恐怖熱線》訪問，「三奶」陳妙慧亦首度開腔分享自己的靈異經歷。
相關閱讀：93歲黃夏蕙試過「畀鬼責」足一個月連工人都搣到瘀晒 渴望見到祥嫂：而家都好掛住佢
「三奶」陳妙慧首開腔分享靈異經歷：
鄧兆尊「三奶」曾見過祥哥祥嫂
鄧兆尊的「三奶」陳妙慧亦有到場，在節目上亦首次開腔受訪，談及個人經歷及異能，原來陳妙慧自小與佛有緣，從小食齋拜佛，現時亦懂得通靈，潘紹聰問鄧兆尊有否想過借助身邊與祥哥祥嫂溝通，鄧兆尊肯定地說：「冇呀，我覺得唔好打擾佢哋，如果有問題要搵我，可以直接搵我，又或者搵我側邊嘅人，佢會直接講我聽。」潘紹聰問到陳妙慧有否見過祥哥祥嫂呢？陳妙慧笑認有搵過，鄧兆尊續說：「我淨係知道啱啱開頭有搵過，佢話唔識我爸爸係邊個，只有一個好矮嘅老人家成日撩佢。」陳妙慧再說：「係個老坑，我都唔識，覺得好得意，好矮又冇乜頭髮，又行到好快，但係性格好好，仲好百厭，我喺夢境見過幾次。」
鄧兆尊笑說：「我之後畀阿爸張相佢睇，佢話就係佢，連佢都唔識，仲要叫佢做老坑，真係想死！」陳妙慧又透露自從有了這個高能後，祥嫂曾找過她：「佢阿媽係搵過我一次，不過要求好高，嗰陣係鬼節，要蓮花座，仲唔要普通嘅金銀，要城王用嗰啲，要我買返嚟一個一個咁摺嚟燒畀佢。」潘紹聰即說：「妳做新抱，應該做呀！」陳妙慧再說：「之後佢收到呀，我夢見佢喺下面都有得食有得玩，好開心喎。」鄧兆尊指陳妙慧的異能，令他的生命變得更豐富。
重溫鄧兆尊家庭照：
鄧兆尊曾遇奇人異士
鄧兆尊坦言曾遇過不少奇人異士，因為爸爸祥哥信奉道教，做戲行是拜華光師傅，當中有不少禁忌。他曾聽聞有人犯了禁忌撞穿頭，又或是戲棚出現冧幕情況。而他親身經歷一次是祥哥有次跟朋友「鬼王德」在房間傾偈，當時年僅十一、二歲的他看到窗邊有一團黑煙，他說：「我就問阿爸是甚麼，鬼王德聽到，就說是他的寵物，叫我不用理。當鬼王德離開後，他用電筒再照窗邊，那團黑煙不見了。」
另一方面，早前黃夏蕙在《恐怖熱線》節目中，曾透露在已故影星傅聲舊居見到疑似祥嫂的靈體。兆尊在節目中都承認傅聲舊居現時是屬於鄧氏旗下物業，問到他會否覺得祥嫂真的去了哪裡？他說：「我唔知呀，但應該唔會去嗰度。佢（夏蕙姨）睹物思人啫！」鄧兆尊指那個住宅現時丟空了，但間中也會去看看有沒有東西損壞。
其他文章：
鄧兆尊爆「頂流歌星」揼邪骨走數！ 竟想唱一首歌代替：幾十億身家仲搞呢啲嘢
56歲鄧兆尊疑撇三女友北上會美女？面腫凸腩被嘲與洪卓立驚變「餅印兄弟」
56歲鄧兆尊直播意外洩疑似婚照 暗示偷偷結紮力抗「阿三」逼造人
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
