TVB視后自認感情失敗曾獲封絕世好女友 與男星拍拖多年屢被出軌仍護航
發佈時間：18:00 2024-04-13
有「絕世好女友」之稱的唐詩詠（Natalie）入行多年，曾有過3段，可惜每一段感情都未能開花結果，至今仍然小姑獨處，依然向「絕世好老婆」目標進發。日前唐詩詠接受商台節目《星光背後》訪問，她坦言自己在感情上的致命傷是：「唔識將自己唔開心同另一半分享。」
相關閱讀：唐詩詠罕約圈中兩大富婆聚會 離巢積極躋身上流社交圈 恨脫單升呢「絕世好老婆」
唐詩詠昔日情史：
唐詩詠三段戀情無疾而終
42歲唐詩詠在2003年因拍青春劇《當四葉草碰上劍尖時》而入行，先後與余文樂、崔建邦和洪永城拍過拖，可惜每段關係均失敗告終，日前唐詩詠接受商台節目，她分析因由說：「當然有好多原因，對方的原因我唔會講，我自己過去都是因為太注重工作，乜都工作行先，當然都會照顧另一半，但其實我一直唔識溝通，除左最長嗰段感情，對方一觸碰我的底線，我就會走！過去拍拖，我最弱就係溝通，我唔識將自己唔開心同另一半分享，我以為唔講出嚟就冇嘢，最後對方會覺得『點解你唔開心唔同我講？』」
每次公開戀情後，唐詩詠亦表示不懂處理：「當記者問：『你哋而家點呀？』，原來當時我哋嗌緊交，但我又唔想表露，就唔識點答，亦會為呢關係加上壓力，磨擦就多咗。」自從2017年與洪永城分手後，唐詩詠未有戀情傳出，但她認自己成熟成長了，已準備好迎接一段細水長流能溝通的關係。對於被視為「絕世好女友」，唐詩詠曾說不論是任何類型都需要具備媽媽的特質：「乜類型嘅男人都係一個小朋友，要需要好似一個媽媽咁去照顧佢嘅感受，你要呵護佢，其實我覺得係有啲攰嘅，但呢個係必需，因為我發現如果你冇呢一樣嘢，佢哋好多時候會覺得被忽略，但係如果你用咗啲語氣唔啱呢，佢又會覺得你煩。」
唐詩詠初戀男友是余文樂
唐詩詠的初戀男友是余文樂，當時因為合作港台劇集《青春@Y2K》而拍拖，但這段戀情只戀情維持一年。到了2005年，唐詩詠與崔建邦主持《K-100》而認識，在拍拖8年期間，崔建邦多次被拍到夜蒲、偷食，2009年底，發生崔建邦涉嫌虐打中巴混血兒鄺敏慧事件，唐詩詠仍然不離不棄並公開發聲護航，結果獲網民封為「100分好女友」，但多年後崔建邦再次出軌，唐詩詠終無法忍受而分手。後來在2013年，唐詩詠與洪永城因劇集《載得有情人》而交往，可惜在2017年5月兩人宣布正式分手。唐詩詠曾表示分開有很多原因，但原來男方承受著壓力，而她當時不懂保護對方，導致兩人分手。
唐詩詠離巢生活多姿多采？
唐詩詠2017年首奪視后已計劃離巢
唐詩詠在2022年宣布與TVB約滿離巢結束20年賓主關係，原來她在2017年首奪視后後，已經有心計劃離巢：「我同自己講40歲後我要諗清楚想做啲咩，係我為自己設嘅deadline，感覺到自己要時間休息。」對於這個人生轉變，唐詩詠說：「我係好鍾意演戲，但再咁拍落去，覺得自己無突破，演嘅角色都差唔多。而生活上，已經拍到好攰。如果我想有得揀，我必須要有足夠積蓄，所以離開之前狂拍劇，計過自己半年冇工作都可以養家，金牛座需要有好好準備先去做決定。」
唐詩詠學懂珍惜身邊人
離巢後，唐詩詠因一次機會孟加拉探訪受童婚影響的女孩家庭後，令她人生180度改變，學懂珍惜身邊人：「有一次見到朋友IG 同屋企人旅行，我先醒起從來無同過爸爸旅行，以前只係掛住拍劇掙錢，但真正陪佢嘅時間真係無乜。」憶及與爸爸在日本首次單獨相處，唐詩詠感觸哽咽地說：「第一次同爸爸、哥哥去日本旅行，有一晚得返我同爸爸兩個人食飯，雖然大家無講咩特別話題，但嗰次先至好似同爸爸真正相處。」她還說：「過去20年我浪費咗，希望未來日子我可以帶爸爸去唔同地方旅行，因為爸爸都80歲，之前從未試過外遊，希望佢有更多呢啲回憶，亦想一齊搵呢啲回憶，我唔想到最後先後悔。」
其他文章：
42歲唐詩詠離巢後愛上整餅 素顏上陣貼地做蛋撻獲大讚：自信就是美
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
