呂良偉探訪老人之家捐贈15萬支票 長期善行感染囝囝考藍天救援隊
發佈時間：17:35 2024-04-16 HKT
67歲呂良偉（呂哥）今日（16日）與太太楊小𡝭、舅父麥羅武及90多歲的阿嬸等一起到太子榕光社護老之家作探訪，呂哥更即場頒贈15萬支票予榕光社，榕光社會長感激呂哥長期資助該社，更透露對方在新冠期間亦捐助物資。
呂哥受訪時笑言一直也知道舅父是畫畫，但不知道他那麼勁，早前對方舉行畫展，自己亦有支持：「佢啲畫從來都唔賣錢，都會攞去捐，我買咗60多萬畫作後，指定佢捐畀榕光社。」呂哥表示已支持榕光社20多年，以前過年自己也會請老人家食飯、派利是，甄子丹及關之琳也曾一起參與，他指因該社為老人謀福利，也會照顧孤寡的老人，所以自己也很支持，亦希望可以由自己的帶領下去令大家認識榕光社。
呂哥指現時有機會就會行善，但首先要自身強大才有餘力去幫助其他人，而他又透露正在北京工作的兒子呂善揚剛考入國家的藍天救援隊：「佢自願，我冇提議任何嘢，我覺得係好事，一個年輕人有咁嘅愛心我覺得好開心，（怕唔怕佢遇到天災要出動？）佢要學習多啲技能先至去到第一線，一個細路仔培養到愛心係好事，細個已經帶佢去山區行善，所以佢會知道要幫人。」
提到工作，呂哥指5月初會到廣州拍電影，而香港也有兩部戲正傾談中，對於香港電影市道不好，他說：「其實係，所以要擺多啲時間同資源落電影度，希望可以喺國際市場佔返一席位。」他又透露稍後也會為一部內地動作電影做監製，年尾亦有一部電影要開工，所以需要一直鍛鍊身體。
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
