伍晃榮墳墓「移民」美國 離世16周年徒弟馮堅成伍家謙撰文懷緬
發佈時間：14:30 2024-04-19
TVB前體育新聞主播伍晃榮憑金句「波係圓嘅」令觀眾留下深刻印象，惜2008年7月14日他因白血病導致器官衰竭逝世，終年67歲。適逢前日（17日）是伍晃榮逝世16周年，昔日兩位徒弟馮堅成和伍家謙分別於社交網撰文懷緬，前者更大爆恩師的墓碑即將「移民」。
馮堅成伍家謙悼念伍晃榮：
馮堅成2000年在伍晃榮引薦下加入TVB新聞部，與對方拍檔報道體育新聞，直到2016年宣布離巢。一直視伍晃榮為恩師的馮堅成，連日於社交網貼出舊照悼念對方，並慨嘆：「這應該很好，你若尚在場！眨眼已離開16年。」日前，馮堅成又特意前往墓地拜祭伍晃榮，事後於Facebook發文︰「以後可能要去美國拜了。#伍晃榮 #阿盲也移民」疑暗示伍晃榮的墳墓將跟隨家人移民美國再入土安葬，隨即引來網民追問：「幾時起個墓？」、「佢屋企人帶埋骨灰過去?」、「但佢好似唔係火葬，成個靈柩運去？」，不過馮堅成至今一律未有回應。
伍家謙憶伍晃榮私下輕鬆一面
另一位徒弟伍家謙一如每年傳統，前日也在社交網撰長文悼恩師，回想起2005年歐聯決賽當日，在返工期間收到伍晃榮的電話，原來對方因整個下午睇馬驚唔知醒，於是拜託他「Morning Call」凌晨睇波，幸最後也沒錯過精彩的賽事。伍家謙續指：「以往分享嘅可能多數係伍生比較嚴肅嘅面向，不過，上文講嘅呢啲輕鬆時刻其實為數不少；喺嗰段不長不短嘅歲月，我真係過得好開心，好開心。」
伍家謙秉持伍晃榮教導做事
伍家謙表示，雖然伍晃榮已離開16年，但二人相處點滴記憶猶新，教誨依舊銘記於心：「我談唔上有咩成就，但若果唔係有您，我肯定唔會係今日嘅我。多謝您當日冇嫌棄一個講多過做，不知天高地厚嘅細路仔。由blog嘅年代嚟到今日，我希望每年都可以寫一次。」並謂電視新聞送飯的年代過去，取而代之是邊夾餸邊玩電話，體育新聞呈現的方式也不同，港人對本地運動員的關注亦提升不少，「年月如白駒過隙，就連早幾日喺街上面有位朋友搵我影相都話我係佢哋少年時代嘅集體回憶（好彩仲未係童年），年輕啲嘅朋友可能就未必太熟悉伍生喇。都係嗰一句：希望大家都會記得，香港曾經有一位很出色很出色的體育新聞報道員，於晚飯時間為我們帶來許多歡樂，他，叫伍晃榮。」伍家謙稱，會秉持住對方的教導做好自己應做的事。
其他文章：
主播盤翠瑩攜子放電！一度移英生活突重返TVB 前足球員丈夫背景猛料
47歲前TVB主播掃大量女性用品稱仲可以生仔 曾因進取減肥導致停經
前新聞主播陳嘉倩短片惹負評急刪PO？一動作引無限聯想 近年走性感路線變女神
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
