東張西望丨黎寬怡親回風化案KOL個案4大疑問 無懼惡評為受害少女平反：絕不後悔

TVB節目《東張西望》連日報道一名曾犯非禮案的寵物KOL謝姓男子出獄後，誘騙逾20少女發生性關係，更被指偷拍性交過程及劫財，最年輕的受害人僅13歲。事件曝光後掀起廣泛討論，曾接觸涉案「賤男」及多個受害者的主持黎寬怡（貓仔），昨晚（19日）挺身而出拍片親回4大疑問，為一眾受害少女平反！

相關閱讀：東張西望丨風化案KOL落馬洲離港被捕！直認曾性上癮逾200性伴：有時一日兩個

黎寬怡挺身而出為一眾受害者平反：

「東張女神」之一的黎寬怡於IG先後上載以「貓仔有話兒」為題的影片，同時親述及撰長文解答觀眾疑問：「……呢一個個案喺網上面引來好多嘅討論，好多人都講緊點解啲女仔會咁傻？隨便就上一個男仔個屋企？咁多受害人，但係佢哋都冇人肯報警？所以呢條片會講番少少關於我同嗰啲女仔接觸過後，得出幾睇法。不過我知道呢條片，應該都會引來好多嘅反對聲音。如果你都覺得我講得唔啱講，又或者講得唔係咁好，你都可以掠過我。但係我都好想同大家分享，因為我真係喺當中有啲感動，我想幫啲女仔講啲說話。」

風化案KOL塑造正面人設換取信任

接着黎寬怡列出4大點，對於觀眾不解受害少女為何會上陌生人屋企，她舉出其中兩個案例，指有受害人本來約謝先生去做義工，惟男方聲稱「病得好嚴重」臨時甩底，更要求對方幫忙買藥，受害人才上男方屋企擺低藥；另一個受害人則與網上認識的謝先生在傾了半年，本想跟男方真心做好朋友，甚至發展成男女關係，故才應約上對方屋企。黎寬怡續指，訪問過的受害人大多在疫情期間發生：「有喺嗰段時間拍拖嘅朋友，都知道疫情期間出邊，又的確係冇乜太多消遣嘅活動。彷彿上一個人嘅屋企，好似都係好常態嘅事。個男仔成日都強調，自己屋企有好多動物要照顧。而且又強調媽咪都會喺屋企。大家都覺得上一個男仔屋企，佢媽咪又喺度，咁應該都好安全。所以好多女仔都冇乜戒心，就上咗個男仔屋企。」

風化案KOL反擊強姦等指控：

第二，為何受害少女容易跟一名男子發生性行為？黎寬怡認為，許多家長平時為工作賺錢養家，導致很少時間陪小朋友，令子女感覺缺乏愛和關心；又或者有些家長不願抽時間陪小朋友，平日以責備及責罵的方式育兒，因此，突然出現一個男子對自己噓寒問暖、甜言蜜語，令女孩誤以為是愛，加上成長過程中被灌輸「愛需要付出才可換來」，女孩會覺得作出性行為或能換取男方更愛惜自己，她說：「好多女仔唔知道自己身體其實好重要，亦都好寶貴…理所當然咁，就付出咗，去獻畀個男仔。」

受害人年紀小缺乏性教育

黎寬怡指，當中只得13、14歲的小女生，因拍拖經驗不多，父母及學校亦沒有提供太多戀愛及性教育，單憑電影方面的資訊學習，便會以為男女互有好感就很快進行性行為。她續說：「再加上我有親身去見過一啲嘅受害人，佢哋普遍都係生得唔算太高，而且身形比較瘦弱一啲。當嗰個男仔佢咁高，身形又比較龐大嘅時候，嘗試作出反抗，其實有的確幾難走得甩。」

受害人恐風化案KOL公開性愛片

第三，為何受害少女至今不肯報警？黎寬怡表示，不少女生為上過謝先生屋企而感自責，「佢哋覺得點解自己當初咁蠢？點解自己會送上門呢？點解自己唔識保護自己？自責到覺得自己做所有嘢都係錯，覺得自己遭受到咁嘅經歷都係抵死，做咩要報警呢？明明錯嘅就係自己。」而另一個原因，除了在後樓梯被非禮的受害者，大部份受訪的女事主都被偷拍或明拍過性愛片，「試問幾多個有片喺男仔手，佢又點敢輕舉妄動，難道佢就唔擔心個男仔公開啲性愛片？」她相信不少受害人都未有告知身邊親友，若報案可能要承受被更多人知道的風險，故為避免被謾罵、嘲笑及再揭開多年瘡疤，最終才選擇不報案。

被指控強姦傳性病KOL女友現身：

第四，不少人好奇《東張西望》為何大做此個案卻不幫受害人報警？黎寬怡解釋，因程序上需要受害人自行去報警，雖然有報案的必要性，令謝先生得到法律制裁，以及避免再添加更多受害者，但《東張》方面亦不能「迫」任何受害人去報案，「我哋將呢個個案擺上枱面，並唔係幻想希望啲人去網絡欺凌個男仔。因為我哋好想話畀其他唔知情，或者以為得自己一個面對緊呢啲情況嘅受害人講：你唔係唯一一個！如果你真係需要幫忙，我哋都會陪你。」

黎寬怡無懼網民惡意批評

最後她說，過去的事雖無法抹掉重寫，但想告訴一班受害者「你哋係被愛」，並盼望大家不再受威脅、自責，未來要好好愛惜自己，世上仍有許多好男人存在：「正常嘅戀愛係唔會逼你去用性愛去維繫！亦都唔會喺『性』方面唔尊重你！例如話：其實都冇鍾意拍片，或者影色情相嘅大前提之下，強迫你去做呢件事！健康嘅愛係唔會委屈自己！亦都唔會傷害到任何人！包括你、包括個男仔、或者包括其他嘅人！」無奈部份網民仍繼續惡意批評，對此黎寬怡於IG Story反擊：「躲在假帳戶背後攻擊他人，對他人、對自己的生命又有何益處呢？不過我最終都選擇了拍片分享，對於現在收到的負面留言，我絕不後悔。」

其他文章：

東張西望丨風化案積犯KOL反擊強姦指控 唔知有人未成年：叫佢唔好亂上男仔屋企

東張西望丨KOL疑強姦少女傳性病！13歲女受害被逼做一姿勢 涉事者女友聽惡行情緒激動

東張西望丨紋身男非禮出獄涉誘拐逾20少女 13歲女童控訴慘被奪初夜兼偷拍

東張西望丨曾犯非禮案紋身男出獄「改頭換面」做網紅 疑誘騙逾20少女性交兼傳播性病

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow