J2患癌主持文頌男病情疑漸趨樂觀？一原因遭網民怒轟：希望畀多啲空間我
發佈時間：19:00 2024-04-24
J2節目《不正常愛情研究所》主持文頌男（Koba）去年確診罕見的尤文氏肉瘤（Ewing's Sarcoma），由於完成五次化療後宣告無效，本月中已展開下階段的放射治療（俗稱電療），今午（24日）他於IG Story交代最新情況，似乎病情漸趨樂觀。
相關閱讀：J2患癌主持文頌男進行首次電療痛到呻吟 感激獲演藝人協會聯絡提供協助
文頌男最新覆診情況：
28歲文頌男貼出臥床待覆診照，並寫道：「最近呢幾日情況穩定咗，暫時都仲未出現劇痛，唔知係咪因為電療開始有效（應該唔係，因為治療師話起碼兩、三個星期先會開始見到效果），定係因為我食咗好多、好準時咁食咗好多抗癌嘅膳食補充劑同中藥（利申：真係唔係賣廣告，贊助我嘅老闆們都好好，冇要求過我一定要公開話畀人知，純粹係希望幫到我冇咁辛苦）。」
文頌男感激醫護照顧
接着，他又有感而發：「去咗咁多次覆診、抽血，有啲護士已經認得我（唔係認得作為主持人嘅我），佢哋真係對我好好，好關顧我嘅需要，每次電療、覆診都安排好病床畀我可以瞓住等，百忙之中仲會捉住我問候我咩情況，鼓勵吓我，甚至知道我有奇怪嘅狀況出現，會幫我安排相應嘅服務，真係體會到好多好人好事，好感謝每一個關懷我、幫助我嘅人。」
文頌男公布患罕見癌病經歷：
另一好消息是，現時全面停工零收入的文頌男，大概一星期前已收到香港演藝人協會捐贈的應盡款項，他感激協會及會長古天樂的幫助：「我會將啲款項好好利用，用以應付醫療同生活開支上，喺呢到亦順道感謝曾經幫助我、捐款畀我、贊助我唔同抗癌同營養產品畀我嘅所有人，連你哋都咁用心用力，我一定會落力啲對抗呢個病，我會加油。」
文頌男望各界多體諒
雖然收到不少支持和鼓勵．但近日部分網民竟公開鬧爆文頌男，主要是譴責他不回覆私訊，文頌男日前撰長文苦呻：「自從我病咗之後，好似由感謝大家，變咗服務大家。我收到源源不絕嘅DM。每個人都希望我回覆佢，我唔回覆佢嘅話甚至喺我直播上面鬧我。」並謂自己很樂意跟大家做朋友，亦盡量回覆所有訊息，奈何痛症持續發作導致無法回覆大量的訊息，他續道：「喺到同大家講句唔好意思，我知道大家都好熱心好關注，我已經收到大家嘅心意……我對於以上種種嘅支持同關懷表示感激，多謝大家！同時都希望大家可以畀多啲空間我，體諒一下我。同病魔搏鬥係好辛苦、好困難嘅一件事情，希望大家繼續幫我集氣，打倒呢個大魔王！」
其他文章：
J2患癌主持文頌男專訪｜上月宣告治療無效 父因情婦拋妻棄子由媽媽獨力撫養成人：我對佢好愧疚
J2患癌主持再現幕前！身形消瘦依然活躍 食嗎啡試忍痛試鏡扮正常
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
