甄妮遭伍仲衡爆疑「走數」慣犯？開Po反擊被重提10年恩怨 暗寸肥媽人格有問題
發佈時間：19:30 2024-04-26
有「樂壇風紀」之稱的71歲甄妮淡出幕前多年，雖然現時長居台灣歸隱田園，但仍一直密切關注中港台娛樂新聞，更熱衷於個人Facebook論盡圈中事。早前她則為《中年好聲音2》亞軍譚輝智抱不平，狠批冠軍古淖文「油膩誇張精」，未料引來評判之一的伍仲衡隔空開火，暗寸對方鍾意攻擊人兼「唔找數」，昨日（25日）甄妮疑就事件作出回應，還反擊寸肥媽（Maria Cordero）人格有問題！
相關閱讀：古淖文哭腔加強版獻唱反擊被批「油膩」？ 甄妮疑隔空回應：原來無聊人更多
甄妮開Po反擊「阿伍」與肥媽：
事緣兩位《中年》評判伍仲衡和周國豐近日開Live，有報道指二人揞名重提甄妮批評古淖文「油膩」事件，伍仲衡直斥「攻擊者」鍾意攻擊人，又爆料指雖從未跟對方合作過，但對方的是非在行內聽足10多年：「我聽好多佢啲嘢……唔找數嗰啲，真係呀，好多Friend同佢做過嘢。」周國豐則表示未有聽聞相關事件，並謂：「嗰個都係我好尊敬嘅前輩嚟。」
甄妮被YouTuber翻摷與肥媽恩怨
另邊廂YouTuber「伍仔」亦湊熱鬧，翻摷甄妮與肥媽多年積怨事件，當中提及甄妮曾鬧爆陳奕迅、張栢芝在頭等機艙坐地玩啤牌嘈到拆天，另2014年又批評台灣藝人柯震東涉毒事件，當時肥媽回應傳媒稱：「有時大家做父母都唔擔保到自己嘅細路會唔做錯事，所以做長輩就算唔幫口，都唔應該一出事就去踩人，應該要扶持，耐心畀機會佢哋，呢啲先係做Auntie嘅責任。」更力撐曾被甄妮狂數目中無人的鄧紫棋（G.E.M.）：「G.E.M.對住我真係好好禮貌喎！」
甄妮發聲事件簿：
昨晨甄妮忽然於Facebook發文：「邊個出聲，邊個就係衰人。RAPE, DRUG, RUDE LIAR. SHAMEFUL, SHOUTING. HIDING DRUGS, No MANNERS（強暴、毒品、粗魯、可恥、大喊、大叫、藏毒、冇家教）. 全部都該『LIT IIT GO（Let it go, 由得它）』是這樣嗎？」並留言指，自古以來尊師重道是基本準則，為何在媒圈竟變成罪惡？她續指：「阿伍台把不正確的舊新聞，反覆炒作繼續加油添醋，一把年紀了仍分不清『對錯』唉！講都懶得講你了！套一句『流量比較重要』你的廢龍要打屁屁了。」未知文中所指的『阿伍』是否伍仔或伍仲衡呢？
隨後甄妮又把肥媽拖落水，再爆料暗寸對方：「（我們）只有一次交集：瑪莉亞小姐向我借耳環上秀，結果有去無回大丈夫，人品如何請仔細想想。別懶，有証（證）人，也不用還了，送你慢慢用吧。」
其他文章：
中年好聲音2丨甄妮批古淖文「油膩誇張精」 力撐譚輝智揭狄波拉都係Fans
「樂壇風紀」甄妮自認失敗公開道歉 再補一槍暗寸李龍基博宣傳：良言苦口
李龍基戴白色「PDADA」cap帽探王青霞 不介意甄妮誤會：佢有少少失敗！
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
