吳麗珠罕談與陳百燊許冠武戀情自認傻 爆佘詩曼媽媽感情狀況：貪你啲老人除咩？
發佈時間：10:00 2024-04-29
現年63歲、經典綜藝節目《歡樂今宵》台柱吳麗珠淡出多年，轉型從商的吳麗珠經常與圈中人聚會，不過鮮有戀情傳出，至今仍是單身一族，先後陳百祥胞弟陳百燊和許冠武拍過拖，日前吳麗珠罕談當年與兩人相處的經過，原來她與佘詩曼的媽媽是好姊妹，提及好友目前的感情狀況！
相關閱讀：63歲吳麗珠賀生日外貌逆齡生長 曾戀歌神胞兄12年一原因分手
吳麗珠罕談與陳百燊和許冠武相處經過：
吳麗珠早前接受好友鄧英敏的YouTube節目訪問，單身多年的吳麗珠表示目前是人生的最高境界，原來是「戒酒不戒色」，她笑說：「酒唔係唔飲，只是淺嚐，但係識男仔唔同，有時出去吃飯，多少要應酬，識到啱傾咪傾吓，拍下散拖。我之前試過同跟外籍人士拍拖，佢哋從事唔同行業，有一個係西門子嘅工程師，喺上海做磁浮列車，層次好唔好同。 德國人嘅性格好得意，佢哋好有紀律，例如約你八點就同你對錶，比我更準時。」在訪問上吳麗珠表示還試過與新加坡人、美籍俄羅斯人和意大利人，當然還有中國人：「整體嚟我覺得外國人比較浪漫，佢哋每一日都講『I miss you』、『I love you』， 一天至少五次，我覺得好難頂，好悶，可能大家嘅文化不同。」
吳麗珠曾與陳百祥胞弟陳百燊和許冠武拍拖
吳麗珠先後陳百祥胞弟陳百燊和許冠武拍過拖，當年與陳百燊是訓練班同學，談到當年與陳百燊的一段情，吳麗珠罕有地說：「嗰陣我好後生，讀緊藝員訓練班，得嗰19歲，其實嗰陣我都拍緊拖，嗰個男友晚晚都我嚟接我。跟住我唔知點解陳百燊拍拖，真係傻更更，原本同我拍拖嗰個男仔梗係好嬲，我哋喺車上便傾，佢好嬲咁揸得好快，跟住仲撞埋，所以大家就攤牌講清楚。」吳麗珠與陳百燊拍拖有八年多，突然有一刻發覺對方不適合自己，鄧英敏問是否與司馬燕的話有關？吳麗珠說：「唔係，係忽然間，我知道佢好難受，我明白，我係冇第三者。」鄧英敏追問有否說話向陳百燊說？吳麗珠說：「我自己真係唔知點解，所以對唔住，可能緣份盡咗。」
吳麗珠和佘詩曼媽媽是閨密？
過了一段時間，吳麗珠遇上許冠武：「其實係工作關係，以前搵我登台，接觸多了拍拖，我哋都拍咗11、12年，去到談婚論嫁階段，突然間臨崖勒馬。喺95、96年，差唔多結婚走咗做地產，發覺有啲唔妥，本來仲喺拉斯維加斯搵咗個證婚人，後嚟我哋分開咗。我知係好傷害許媽媽，佢好錫我，但係冇辦法。」吳麗珠續說：「我發覺我喺感情方面都是傻更更，而家睇番轉頭，兩個都唔係我杯茶，再㨂都唔會㨂返呢一種人，當時拍拖唔覺，傻更更咁盲咗20年。」
吳麗珠唔抗拒再拍拖
過往吳麗珠與朋友聚會時，經常發現佘詩曼媽媽的踪影，原來吳麗珠和佘詩曼媽媽是好友，經常結伴旅行，是很合得來的朋友，吳麗珠笑說：「正如佘媽媽同我講，而家搵個男朋友，唔好搞我，貪你啲老人『除』咩？而家搵個一腳踢佢去大西洋，我就唔抗拒，我而家都同唔同對象交往，好似像賈思樂，我最近見佢72歲嘅家姐喺外國結婚，真係我嘅『強心針』，總之有咪食囉！」
其他文章：
62歲吳麗珠驚喜客串《愛回家》依然有少女味 曾轉做地產經紀學再闖直播帶貨
《開心華之里》29周年盛產美女 楊羚變少奶歡樂小姐吳麗珠變商界強人
--------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
