爆肌前港男遇恐怖意外！一隻手指被夾爆傷口嚇人：真係好兇猛
發佈時間：20:30 2024-04-30
現年42歲、2009年落選港男吳雲甫曾日前宣布太太再懷孕，他強調與太太「一擊即中」並說：「我哋咁肯定係因為真係得嗰一次！」今日（30日）吳雲甫貼上手指受傷的相片，原來健身椅夾爆一隻半隻手指，傷勢相當恐怖！
相關閱讀：爆肌前港男吳雲甫老婆再懷孕家中將添新成員 與《愛回家》Terry同屆選香港先生
吳雲甫健身椅夾爆一隻半隻手指好恐怖：
吳雲甫今日貼上手指受傷的相片並說：「唔通我走入咗去多次元空間，打敗咗隻入侵地球嘅異能獸拯救全宇宙，又周圍同人講咩～ 反正講都冇人信啦！求其你當我俾張健身椅夾爆咗隻手指咪算囉～
咁斷咗嗰一隻半隻手指算得係乜？其實又唔算好痛。只係手指骨裂咗，然後因為衝力太大啲皮膚同肌肉組織攝咗喺個斷骨裂縫出唔返嚟，唯有去睇醫生照X光，做手術。」
吳雲甫還留言叫人慎入：「咁啱門診嘅醫生係骨科，所以佢可以好清晰咁講解到成件事嘅過程後果同可能性俾我聽。跟住佢亦都好快幫我完成手術。斷咗嗰隻手指骨就冇得搞，由佢自己好慢慢好，所以我就返咗屋企休養咗兩三日。BTW~ 元宇宙啲健身椅真係好兇猛，大家要小心啲～」
吳雲甫為太太修心養性：
由於傷勢過於嚇人，前有線主播陳如楓留言：「啲肉『sip』咗落去，好癲呀！」吳雲甫說：「似底褲攝咗入去pat pat 罅咁。」余迪偉亦留言說：「睇到都痛，speedy recovery!」但吳雲甫表示：「其實又冇想像之中咁痛。」接着亦有不少朋友留言祝早日康復，吳雲甫都逐一回覆。
其他文章：
72歲名導陪42歲妻做產檢感動落淚！四年抱三被質疑 嬌妻護高齡夫：多看歷史科學
-------------------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
