洪永城老婆產後疑做漏一事胸部突紅腫入院 情況嚴重恐要開乳頭放膿
發佈時間：16:55 2024-05-07
洪永城與太太梁諾妍（Inez）於2021年結婚，同年誕下大女「Sir Face」洪靖嵐（Amber），今年3月再誕細女「Sir Face 2.0」Beryl。一向身形Fit到漏的梁諾妍，上月中亦宣告重拾慢跑操肌，未料今晨（7日）她自爆疑做漏一事患上婦女病，更搞到連日發高燒要住院。
相關閱讀：洪永城再添一女即搬大屋！細女滿月漸變「Sir Face 2.0」 新相曝光新居寬闊內貌
洪永城太太梁諾妍入院：
梁諾妍自上周四（2日）貼出1個半月大細女Beryl與老公洪永城童年的倒模對比照後，便一直沒有更新社交平台，至今晨於IG Story親解「失蹤」原因，她自揭由周六（4日）晚開始發燒，半夜更發冷、骨痛兼體力不支，但五合一檢測結果仍呈一線，「（我）諗嚟諗去都唔知點解，直到一位媽媽朋友話係唔係乳腺炎，omg我星期四同五真係太忙有試過2次過咗7個鐘先泵，又因為我量多嘅關係，應該已經塞咗。」
梁諾妍盼無需做手術抽膿
梁諾妍續指，其實右上胸已痛足多日，周日（5日）黃昏因持續高燒不退才辛苦到去醫院睇急症：「姑娘再幫我探熱已經燒到39.7度誇張，醫生睇完右胸又脹又腫又紅又咁高燒，建議我留院3日打抗生素，然後我話我想返屋企，所以當日我抽咗血，睇吓啲菌有冇入血，打咗抗生素針同高燒止痛針。」惟昨日（6日）仍然病情反覆，她稱只好多休息、多飲水、按時食藥、食補充劑、埋身親餵母乳、每兩至三小時泵一次奶，以及餵奶前敷熱毛巾和餵後敷凍椰菜等，終於今晨再沒有發燒發冷情況，「雖然個胸仲係又紅又腫又痛，冇發燒我已經覺得打贏咗一半，因為如果太嚴重要用針抽膿／做手術開（打）開個乳頭放膿，omg希望冇呢一日。」
洪永城愛女萌照：
最後，梁諾妍醫院自拍照寄語各位媽媽：「千祈唔好好似我咁，辛苦到唔多識形容，個胸都痛到唔識形容。」並以過來人身份建議盡量親餵母乳，餵完最好再泵清，「泵都唔好過4-5個鐘，真係會好易塞定時要按摩，吃都要吃得清淡嘟啲（我肯定係星期四食完糯米出事）。」
其他文章：
洪永城細女鼻樑飆高有望搣甩「Sir Face 2.0」？梁諾妍幸奶水充足爆囡囡好擦得
洪永城細女出世！老婆梁諾妍晒B女照報喜 「Sir Face 2.0」被爸爸緊抱現嫌棄表情？
洪永城老婆晒DIY性感大肚寫真 四肢纖幼上圍升Cup 親揭長胎不長媽媽肉秘訣
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
