郭晉安歐倩怡離婚丨梁思浩年半前遇郭晉安從細節得悉婚變歐倩怡為離婚早有準備？

更新時間：19:30 2024-05-07
發佈時間：19:30 2024-05-07

郭晉安與歐倩怡日前上周四（2日）在IG宣布離婚，18年婚姻正式劃上句號。自從兩人離婚消息傳出後，外間對離婚一事作出有不少揣測。曾經與郭晉安在80年代處境劇《城市故事》合作的梁思浩，日前在自家YouTube節目上，表示在年半前已經得悉事件，而且在圈中早已是公開的秘密。

梁思浩稱一年半前已獲悉郭晉安離婚：

梁思浩年半前遇郭晉安獨自購物

梁思浩日前在自家YouTube節目上，與主持之一的吳家樂談及郭晉安與歐倩怡離婚一事，梁思浩說：「我撞到好幕後工作嘅要員，我哋見面嘅第一句說話係：『點呀，你哋知道咗幾耐？』，我就話年半前就已經知，另一個就話已經知道2年。」梁思浩續說：「喺舊年新年，咁啱我去咗郭晉安屋苑附近嘅超市買嘢，呢個我嘅習慣，我逢禮拜日7點鐘就喺嗰店度買嘢，嗰陣我記得係農曆新年，我見到佢一個人去買嘢，我哋冇打擾對方，但係多多少少有啲感覺到，因為以前多數係佢哋見到一pair去買嘢，當然喇，我亦都知嗰陣佢哋已經分開咗。」

歐倩怡為離婚早有準備？

梁思浩稱在某年某月某日知道兩人已經分開，原來他接到朋友來電，對方稱是代朋友找job：「我聽到郭太、郭晉安太太話要出嚟做嘢，你知一個女人突然間要出嚟做嘢，唔多唔少會感覺到啲嘢，我知佢要做嘢嘅原因。」近年歐倩怡重返校園，明顯想轉跑道，更成為營養師，似乎一切早已有準備，不過梁思浩疑替郭晉安抱不平：「我哋上一代啲女人個個係咁，跟咗個老公湊大啲仔女，自然好無聊過埋下半世。你睇出便嘅世界冇話唔得，但係你知安仔而家係半退休狀態，我識得好多嘅娛樂圈中人，依然好恩愛，佢哋會兩個人去旅行，都可以睇到呢個世界，唔一定要出嚟做嘢，同埋佢哋都唔擔心錢。」

郭晉安歐倩怡一齊25年：

吳家樂稱郭晉安多湊仔心得

梁思浩又稱與郭晉安認識多年：「我哋第一次合作唔係喺《城市故事》，而係喺1985年嘅《獅子山下》已經合作。佢係一個好循規蹈矩嘅人，到而家只要日頭有一杯熱奶荼飲吓，佢嘅人生已經好滿足，佢嘅生活係好安於現狀同簡單，不過成件事我唔係太出奇，而且我都幾欣賞呢個人，因為佢冇因為喺呢個圈太多年而改變自己嘅性格，返工就返工，可能飲埋杯熱奶茶就埋位做嘢，放工就放工，係娛樂圈少有嘅踏實之人。」在旁的吳家樂表示讚同：「我哋開工嘅時候成日傾偈，因為佢睇好多書，有好多人生嘅經歷可以分享，有時我哋傾吓湊仔心得，佢有好多方法去照顧小朋友。」

歐倩怡曾與郭晉安欠溝通

歐倩怡曾在訪問上談到淡出原因，除了因為舅父的一句話而啟發，再加上她不想與老公郭晉安做同一行，而萌生轉行念頭。歐倩怡淡出幕前後，成功考取航空理論課程及船牌，還修讀營養學高級文憑，再修讀食物及營養學，於去年以一級榮譽的成績畢業，正式成為營養師。歐倩怡曾因要忙於進修及兼顧家庭，令她與郭晉安缺少溝通，再加上郭晉安有一段時間忙於拍劇，在二人各有各忙下，夫妻間失去過往的激情與親密。歐倩怡與郭晉安曾經歷有長達逾半年的冷戰期，陷入婚姻危機，幸好加強溝通及不輕易放棄的心態，一度成功挽救關係，但豈料最終都離婚收場。

其他文章：

郭晉安歐倩怡離婚丨結束夫妻關係有跡可尋？2021年後甚少合體郭晉安被捕獲獨自湊女

郭晉安歐倩怡離婚丨曾缺激情陷婚姻危機冷戰逾半年歐倩怡找全職工郭晉安有微言？

郭晉安歐倩怡離婚丨拍節目撻著拍拖七年成婚年差15載曾感不自在歷事業瓶頸互相扶持

郭晉安歐倩怡離婚丨歐倩怡因仔女入學決定進修增值去年以一級榮譽成績畢業做營養師

郭晉安歐倩怡離婚丨歐倩怡心情大靚約天后聚會一舉動欲為工作打穩基礎？

郭晉安歐倩怡離婚丨郭晉安曾認戴綠帽！戀劉小慧被狠飛女方移情蘇志威

--------------------------------------

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow