鄧麗君逝世29周年丨管家金美罕現談昔日關係：佢畀咗我好多自信心

更新時間：21:33 2024-05-08
發佈時間：21:33 2024-05-08

今日（8日）是一代巨星鄧麗君逝世29周年，鄧麗君生前的私人厨師和管家金美近日接受資深傳媒人汪曼玲的訪問，金美讚鄧麗君對人好好，感恩自己有這個福份照顧她：「我而家都有夢到鄧麗君，連鄧媽媽都有夢過。」在節目上金美亦有分享鄧麗君親手的寫的字條。明年是鄧麗君逝世30周年，三哥鄧長富將會主辦以AI科技巡廻演唱會的活動來紀念鄧麗君。

金美讚鄧麗君對人好好：

鄧麗君生前的私人廚師和管家金美每年都有去台灣金寶山拜祭鄧麗君，談到當年與鄧麗君相處的點滴，金美坦言：「佢對我真係好體貼，我乜都唔識，好多嘢都係佢教我。」在節目上，汪曼玲亦有問到兩人相識的緣份，金美說：「我妹妹係鄧麗君嘅歌迷，嗰陣我陪佢參加歌迷會，我妹妹曾經講過，佢連累咗我，如果唔係我嘅感情唔會踩到咁深，佢（鄧麗君）離開咗我，我真係好難過。」本來金美不希望再談鄧麗君生前的事，但有老歌迷覺得，如果不講的話，大家不會知道鄧小姐的好，金美說：「我哋相處冇壓力，佢大概知道我比佢幸運，有乜嘢都會知會我一聲，好似有乜嘢食都會教我整，最特別係通菜兩炒。」

金美表示鄧麗君對她照顧有加

金美還說：「佢畀咗好多自信心我，以前我比較靜，有啲人話我係啞，唔識得講嘢，但係佢會分析畀我聽，叫我唔好咁天真，有啲人講吓唔好咁認真，好似去巴黎買嘢，叫我唔好亂買嘢，有錢就自己儲返。」金美亦表示鄧麗君一直對她照顧有加，當日接到鄧麗君的死訊，金美當然難以接受：「我二家姐驚我會自殺，嗰陣我成個人麻木晒，唔知做乜嘢，反而媽咪（鄧媽媽）比較冷靜，叫我好好照顧自己，人走咗都要面對，啱啱大家姐喺緬甸，佢有一個出家朋友好鍾意鄧麗君，咪即刻幫佢做啲法事，大家姐個師父話佢收到，收到你哋對佢嘅心意。」

鄧麗君生前照片：

金美多次與鄧麗君夢中相見

其後金美一直住在鄧麗君的故居，直到拆卸前才離開，她稱當時希望可以見到鄧麗君，但最後只在夢中相見：「我哋有好多嘢都難忘，好似教我包餃子，仲話如果女仔唔識包餃子係嫁唔出，佢自己都會親自落手包幾隻畀男朋友食，對男朋友好尊重。」當時鄧麗君與法藉男友Paul在赤柱同居，雖然在鄧麗君離世後，外界覺得Paul是一個不稱職的男友，是千古罪人，但金美反而有這個看法：「因為係鄧小姐自己揀，佢開心咪得，有時見到佢（Paul）都幾可憐，一落百踩，佢喺泰國一個人返嚟都有喊，佢都有解釋俾我聽，鄧小姐都有講過阿Paul對我比對其他人好。」不過現時兩人已經沒有聯絡。

其他文章：

日本演歌天后八代亞紀離世享年73歲對鄧麗君照顧有加情同姊妹

沈殿霞77歲生忌｜Google首頁換肥姐肖像專屬塗鴉李小龍鄧麗君榜上有名

台灣前領導人馬英九為《聲生不息》獻聲唱鄧麗君名曲參觀湖南衛視睇祭祖片眼濕濕

------------------------------

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow