洪金寶為《功夫》做動作指導突然被換！與周星馳鬧翻 四字評價一代笑匠
發佈時間：20:50 2024-05-10
72歲的影壇武打巨星「大哥大」洪金寶，縱橫電影圈逾63年，早前獲「第42屆香港電影金像」及「亞洲電影大獎」各頒獲「終身成就獎」，以表揚洪金寶對電影界作出卓越貢獻。近日洪金寶接受文雋的YouTube頻道節目訪問，再度被問到跟周星馳因合作電影《功夫》而鬧翻一事，洪金寶更以簡單4字評價周星馳。
相關閱讀：洪金寶坐輪椅去深圳超市掃貨！金像獎後即北上 被爆「偷食」買一物向高麗虹交差？
洪金寶4字評價周星馳？
洪金寶回港睇醫生慘被換走
洪金寶最近參演的電影《九龍城寨之圍城》叫好叫座的，其演出亦獲讚賞！洪金寶日前接受文雋的YouTube頻道「講呢啲 講嗰啲 Man's Talk」的訪問，文雋提到當年洪金寶與周星馳拍攝《功夫》時，由於當時上海車墩片場很多蚊，洪金寶要求返香港睇醫生，豈料周星馳卻不用他再回來，改由「八爺」袁和平頂上！對於此事，洪金寶直言不諱：「係，返香港睇醫生，跟住就唔使返嚟！」洪金寶坦承會看周星馳的電影，但問到怎樣評價周星馳？他直言：「人我就冇得評價，（唔想評價？）唔想，唔係唔想，係好唔想！」
洪金寶在訪問中，表示《功夫》有大概五分之一的動作指導是他負責：「開場斧頭幫個堆人打嗰場戲，三大高手互相切磋都係我拍，之後嗰啲唔係我拍。」而電影的動作指導則以袁和平、洪金寶出現在電影片尾字幕及基本資料上。
洪金寶的電影路：
洪金寶見證影壇興衰
文雋問到70年代有洪家班，之後有成家班，是否良性競爭？洪金寶坦言：「梗係良性競爭，呢個社會咁大，呢個電影圈咁大，你真係想一個人做，你做唔做得晒，梗係做唔晒啦！喂！唔好講話武師，地盤工，你想一個人做晒，做武師唔係個個做得到，人哋做到係搵食嘅本錢，人哋有人哋應該嘅嘢，你諗唔到亦都控制唔到咁多，我就覺得每一個乜嘢家班都好，大家嚟做嘢，一齊做都無所謂！」洪金寶又指很欣賞及尊重劉家班的劉家良師傅及唐佳師傅，亦提到做武師的興衰，當年他由每日60元做到120元一日，但每一日都要交1元的保護費，「每日開工都要畀1蚊，嗰時1蚊得，依家畀10蚊都唔得啦！以前一開工一組三、四十個武師，依家兩個武師，畀10蚊都冇用啦！」洪金寶更唏噓地說：「有新人入行，徒弟啲前途喺邊度先？你教啲徒弟做乜嘢先？做大戲？做乜大戲？拍電影？你拍咩電影？」
其他文章：
金像獎2024丨洪金寶奪終身成就獎感謝前妻生四子女 讚高麗虹夠耐性：唔畀我食呢樣嗰樣
九龍城寨之圍城丨洪金寶硬橋硬馬真功逐格睇！怒插古天樂喉嚨成焦點 大哥大笑言：今次壞到不得了
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
