《閃電傳真機》女星帶4歲女開工！冧到安德尊都罕露歡顏曾獲楊茜堯代出頭

更新時間：14:25 2024-05-11
發佈時間：14:25 2024-05-11

現年44歲的張美妮出身於TVB兒童節目《閃電傳真機》，1999年加入TVB藝員訓練班與楊茜堯（楊怡）同期，兩人經歷不少高高低低，姊妹情深！雖然張美妮未如好友楊茜堯發展好做到視后，但她在主持界都略有成績，近年她主要為《流行都市》做主持，間中才拍劇集。日前張美妮在IG分享愛女Kelly陪開工的影片，4歲的Kelly在錄影廠滿場飛，更冧爆工作人員，就連向來樣子「嬲爆爆」的安德尊見到Kelly都展歡顏。

相關閱讀：「性感人妻」張美妮預告有新搞作逆齡生長索過入行未婚時

張美妮愛女冧爆工作人員：

張美妮近日在IG貼出一條「愛女陪開工」影片，她寫道：「Kelly成日話要陪媽咪開工，作為媽咪嘅我梗係想啦！呢日就帶住佢一齊開工，Kelly 對每樣事物都好好奇，所有哥哥姐姐對佢又好，聊佢玩、同佢傾偈，仲同佢介紹成個廠景，Kelly不知幾開心！導演仲特登用鏡頭影下佢，見到螢光幕上的自己，Kelly非常之興奮。之後就不斷要入鏡！不過只係綵排緊嘅時候…到正式roll機，佢就乖乖坐埋一邊睇我哋拍攝，有時就靜靜地坐低自己畫吓畫，抵讚！」張美妮又指對Kelly來說，這次是一個很好的體驗！「就快暑假，Kelly已經問定我幾時又陪我返工吖！」而吳若希也在帖上留言：「班幕後次次見親啲BB入嚟，個個都變晒幼稚園老師咁～勁溫柔！平時啲豪氣去晒邊？」張美妮亦同意吳若希的說法，「我都未試過見佢哋咁和藹可親嘅笑容，廠嘅氣氛即時和諧晒！」

張美妮女兒自來熟？

從張美妮分享的影片上看到Kelly在錄影廠滿場飛，媽媽張美妮埋位跟安德尊採排時，Kelly竟在攝錄機後自轉，自得其樂，完全沒有因媽媽要工作沒有時間陪她而感到悶。之後Kelly又拖着收音師的手到處逛，更趁未roll機時走到攝錄機前，又把認字卡遞給媽媽，並逐一跟在場的主持合照，非常精靈可愛，難怪深受工作人員歡心。

張美妮更多靚相：

張美妮與楊茜堯姊妹情深

入行快25年的張美妮，曾報讀1999年加入TVB藝員訓練班，同期訓練班藝人有楊茜堯（楊怡）和林峯等人，張美妮曾與楊茜堯共抗外敵及共度患難，張美妮曾受訪表示楊茜堯大她幾個月，一直似個大家姐，有義氣又敢出聲。有一年，藝訓班一班同學被叫去綜藝節目撐場，她黐住企，無意識企了中間，慘被人單打「呢啲人囉，綵排都唔係咁嘅，攝到中間都唔知博乜 ……」張美妮被激到喊，楊茜堯就為她出頭。另有一次，則是張美妮遇上渣男，張美妮衝到楊茜堯家中攬住對方喊，楊茜堯陪了她好多次去海邊談心，二人姊妹情深！

張美妮自小已有澎湃表演慾

而談到入行原因，張美妮笑說：「我自細已經知道自己擁有澎湃表演欲，讀書嘅時候參加過學校嘅大堆唔同表演，一直都好享受表演畀大家睇，大個咗希望做藝人，所以畢業之後就去咗讀訓練班。」畢業之後被安排參與兒童節目，有個不少參與大騷的機會：「嗰陣我喺兒童組大約5年左右，訓練到自己記稿，快記、快做，快行，又試過有合唱歌，真係好開心。」

其後張美妮被安排去劇組，試過在《鐵馬戰車》賊婆，當時她都一度懷疑自己能否勝任演：「我對住老公就兇狠，不過慢慢試落去，將一啲細個嘅片段再加以聯想，出嚟嘅效果都唔錯，好滿足呢個挑戰。」接着到《超能使者》，這套劇是產後復出的第一部，她坦言演出就自己非常享受，升任媽咪之後可以再現幕前：「因為湊女係睇唔到劇本，唯有喺返工前後去做，嗰陣我選擇搭巴士，令到我可以投入角色。」