母親節2024丨甘比與細女出動做善事罕現YouTube節目因一個表現被網民熱討

更新時間：15:30 2024-05-12
發佈時間：15:30 2024-05-12

向來善心滿瀉的「大劉」劉鑾雄太太「甘比」陳凱韻今日趁母親節與小女兒劉秀兒（Josie）齊齊出動做善事。近日甘比為混血肥仔的YouTube節目做嘉賓，因為一個表現，竟然成為網民熱討！

甘比與小女兒劉秀兒出動做善事：

今天是母親節，不少人都趁着這一天與媽媽慶祝，「大劉」劉鑾雄的太太甘比則選擇在今日做善事，她在IG貼上與小女兒Josie在秀樺廚房門外的合照說：「今天早上，小女兒Josie和我，與一班《仲學舍》的租戶義工一同向劉鑾雄慈善基金生活援助計劃的受助街坊派發生活物資及超市現金券。適逢今天是母親節，希望大家都可以趁這個有意義的日子，多關心身邊人，讓社會更有愛，祝大家母親節快樂！」雖然甘比家境富有，但向來為善最樂，不時做善事回饋社會，近期更現身與年青人有關的講座，分享自己的人生經歷，日前更接受「混血肥仔」曾達恩的YouTubre節目訪問。

甘比製作品比想像中便宜

今次混血肥仔邀請甘比擔任節目《地球人生活指南》的嘉賓，在節目上親自傳授鈎織技巧，過程親民兼搞笑！混血肥仔發現甘比的工作室有大量可愛鈎織擺設，當中更有不少是「屎形」精品，甘比笑說：「嚿屎其實有段古，我好朋友，其實係Sammi（鄭秀文），叫我織嚿屎就大受歡迎！其實屎喺日文叫『unko』，同好運發音好似，日本年青人好鍾意做一個屎形狀嘅手勢，其實係祝福嚟。」混血肥仔更發現店舖的製作品比想像中便宜，甘比分享箇中原因：「開頭開舖頭嘅時候，啲同事就成日話『唔得㗎，你織要賣貴啲』，我成日都好同佢哋好爭拗嘅，我就覺得大家都織到嘅，就一定要同大家一樣嘅價錢。」

甘比擔任節目《地球人生活指南》的嘉賓：

甘比自認是出名有耐性的導師

自言以前性急的甘比，她稱現在是出名有耐性的導師並說：「好急，好急，好鍾意好急，但係我放慢咗喇，其實我除咗自己急之外，我曾經覺得自己迫害其他人，逼到其他人都好急，但係有一刻我醒咗喇，我就覺得如果我追嗰個人，我追佢嘅時候可能只係快三分鐘啫，咁我就唔好逼佢喇。」而甘比教授混血肥仔鈎織，邊教邊向對方派「心靈雞湯」：「做人要識轉彎，要轉膊」、「每個人都好有創意，你唔好以為自己嗰個好核突」甘比坦言學習鈎織與兒子劉仲學有關：「疫情咪online school嘅，我冇嘢做咪拎兩支嘢咁織，無端端我個仔有一日就話『媽媽，我呢要兩嚿嘢』，我心諗『死喇，呢個唔係織，係鈎喎』，咁我就唔知點算好，跟住終於搵到有賣呢類毛冷嘅地方，但係就唔明點樣鈎，問嗰個阿姐可唔可以教我，佢話『唔得，我唔可以教你』，我直情想喊，後尾咪自己上網同搵人教睇圖再自己學囉。」

甘比有分享一件教班的難忘事

另外，甘比也有分享一件教班的難忘事：「有個媽媽嚟上堂，我就多口問佢嘢，佢話佢織畀個女，我問佢『得一個女呀？』，佢就無端喊晒口同我講，『唔係呀，兩個女』，『咁你織埋畀細女』，跟住佢就細細聲做口形話『佢唔喺度，佢走咗』，佢喺度喊，我又忍住喊。佢走嗰時我就攬住佢，拍拍佢，我就送咗啲嘢畀佢個女，因為佢第一次織唔係咁靚，我就將我嗰個畀埋佢。」

網民一面倒激讚甘比

節目出街後，網民一面倒激讚甘比並留言：「終於明白點解劉太在娛樂圈有咁多朋友，佢真係親切可愛！」、「好欣賞甘比，睇得出佢係一個心地善良，好真誠嘅人！就算宜家嫁咗個有錢老公，佢都冇變到，仲依然關心弱勢社群。大劉娶咗佢真係幾生修到！」、「甘比好得意好真誠」、「甘比～好有同理心＆好貼地」、「終於知劉生點解會揀甘比」、「唔怪得佢行到而家呢個地位，真係有個人魅力之處」。

其他文章：

甘比豪門閨密身份顯赫！與佘詩曼黎姿好老友收藏品昂貴連麻雀都鑲鑽

甘比開店兩天后閨密力撐現身打卡！淡妝鬥晒凍齡功力關係超越朋友變家人

甘比6歲細女慶祝生日有指定要求？視后因學鈎織結緣花心思送禮

甘比興趣成名媛新玩意！何超欣孖阿嫂奚夢瑤出動鬥手技笑笑口賣萌

----------------------------

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow