張致恒夫婦被爆疑呃癌症病人錢 雯雯聞受害人欲報《東張》179字親回
發佈時間：22:00 2024-05-17
被網民封為「離婚財困界KOL」的39歲張致恒（Steven）與區燕雯（雯雯）可謂波折重重，繼上月前者疑再「三分鐘熱度」辭去茶餐廳工作，令家中因欠電費被斷電後，本月初雯雯自揭疑驗出腫瘤，同時兩名兒子嚴重感冒，愛犬亦患上癌症！陷崩潰邊緣的雯雯周日（12日）終在IG Story透露，即將行「最後一步」才可重新生活，豈料一波未平一波又起，日前一名患癌網友於她的社交平台公開追數。
相關閱讀：張致恒老婆雯雯為解財困行「最後一步」！做一行業兩日賺大錢 鬧爆老公揀工做
張致恒夫婦疑呃癌症病人錢？
日前，一名網友在雯雯的社交平台留言：「雯雯，我係Cat，你想點呀？畀咗幾個月時間你，爭我嗰萬六蚊一蚊都收唔到，包多春魚都收唔到，之前免費送咁多嘢畀你哋，你哋咁對我？！你好快啲還錢，最多畀你分兩期，分兩個月每次還$8000，所有Payme過數記錄同埋Whatsapp對話我都有keep，唔好逼我公開晒。」Cat更自爆患癌，欲上電視節目公開兩公婆「惡行」：「我真係諗住搵《東張西望》，標題係：寧願呃癌症病人錢，都唔願意出去打工嘅前偶像夫妻。唔好逼我！」並謂預料會被對方刪去留言兼封鎖。
雯雯多次力數老公張致恒：
未料雯雯不但沒有刪除留言，更火速親自回覆：「首先，我好多謝你當初主動出現幫我哋。我從來冇諗過呃你，只係我而家未有鬆動可以還到畀你，就算其他人我同樣都係未還，當初你主動企出嚟幫我哋嘅時候，我都有同你溝通我冇咁快有能力可以還到錢，你亦話你明白。」至於尚欠的多春魚，雯雯反指遭對方封鎖：「我冇咗你地址，你block咗我，我根本聯絡唔到你。就算你公開一切，我都尊重你，當中亦可以證明到我有講清楚我冇咁還到畀你，所以不存在呃你錢。最後希望你unblock我，畀返你地址我寄畀你。亦祝你健健康康。」而事隔兩日，二人亦再沒有公開對話。
其他文章：
張致恒老婆雯雯疑驗出腫瘤！心痛兒子再入急症：出賣自己都要保住個屋企
張致恒大仔5歲生日一家六口切蛋糕 語重心長寄語：唔好好似Daddy咁失敗
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
